Birgir Örn Birgisson, þjálfari KFÍ, segir að sínir menn hafi látið framferði leikmanna Stjörnunnar fara í skapið á sér í leik liðanna í Domino's-deild karla í kvöld.
Stjarnan vann KFÍ, 91-77, þrátt fyrir að gestirnir frá Ísafirði hafi byrjað vel í leiknum. En þeir misstu svo tökin í síðari hálfleik.
„Við vorum í vandræðum með okkar sóknarleik og létum þar að auki tuðið þeirra fara í taugarnar á okkur. Það á ekki að gerast því það er þeirra stíll að tuða,“ sagði Birgir Örn. „Við bara héldum ekki einbeitingunni.“
Viðtalið má lesa í heild sinni hér, sem og frekari umfjöllun um leikinn.
Birgir Örn: Þeirra stíll að tuða
