Hin fullkomna gjöf á 125 ára afmælinu

Glímufélagið Ármann og allar starfandi deildir félagsins hlutu í gær gæðaviðurkenninguna Fyrirmyndarfélag Íþrótta- og Ólympíusambands Íslands. Viðurkenningin var afhent á 125 ára afmæli félagsins.

Sigríður Jónsdóttir, formaður þróunar- og fræðslusviðs ÍSÍ, afhenti aðalstjórn og deildum félagsins viðurkenningu þessu til staðfestingar.

Í tilkynningu á heimasíðu frjálsíþróttadeildar Ármanns kemur fram að Reykjavíkurfélagið gamla og rótgróna sé vel þekkt.  Á vitorði færri sé að rekstur og skipulag félagsins hafi verið undanfarin ár og sé til fyrirmyndar. Félagið sé stórt og fjölbreytt fjölgreinafélag, með flestar virkar íþróttir fjölgreinafélaga borgarinnar.