Vildi gefa Kínverjunum séns Kolbeinn Tumi Daðason skrifar 16. maí 2013 07:00 Guðmundur í kunnuglegri stellingu í uppgjöf á Íslandsmótinu í mars. Hann verður að óbreyttu á meðal áhorfenda á Íslandsmótinu í TBR-húsinu að ári. Mynd/Vilhelm „Ég vildi leyfa einhverjum Kínverja að taka þetta. Gefa þeim séns. Það má ekki alltaf jarða þá,“ segir Guðmundur hlæjandi um ástæðu þess að hann gaf ekki kost á sér í tvö verkefni íslenska landsliðsins í mánuðinum. Landsliðið lauk keppni á HM í París á mánudaginn en Smáþjóðaleikarnir fara fram í Lúxemborg í lok júní. „Ég hefði viljað taka þátt í heimsmeistaramótinu en það hentaði bara ekki,“ segir Guðmundur, sem starfar hjá tengdaforeldrum sínum í Rafvörumarkaðnum í Síðumúla. Hann segir enn jafnmerkilegt að spila með landsliðinu eftir öll þessi ár. „Það er alltaf gaman að spila en ég hef klárlega gert minna af því undanfarin ár. Þegar maður er alltaf að fara í svona landsliðsverkefni þarf maður stöðugt að fá frí frá vinnu,“ segir Guðmundur. Nóg sé að nota sumarfrísdaga til þess að fara utan og spila með félagsliði sínu í Hollandi. „Það eru styttri ferðir svo ég þarf bara að nota einn sumarfrísdag í staðinn fyrir kannski tíu sem fara í landsliðsverkefnin.“Reif sig úr treyjunni Guðmundur varð hollenskur meistari með liði sínu Taverzo frá bænum Zoetermeer á dögunum. Titillinn var langþráður því Guðmundur og félagar höfðu hafnað í öðru sæti undanfarin tvö ár. Guðmundur reif sig bókstaflega úr treyju sinni þegar sigurinn var í höfn. „Maður verður að sýna tilfinningar,“ segir Guðmundur hlæjandi og bætir við að um létt grín hafi verið að ræða í bland við sigurgleði. Tímabilið í Hollandi er tvískipt að því leyti að leikin er undankeppni og úrslitakeppni bæði fyrir jól og eftir jól. Deildarmeistarar eru krýndir bæði fyrir og eftir jól. Vinni sama liðið báðar deildarkeppnirnar er liðið krýndur hollenskur meistari en ef tvö lið verða deildarmeistarar mætast liðin í hreinum úrslitaleik að vori. Guðmundur og félagar töpuðu þeim úrslitaleik síðustu tvö tímabilin en í ár stóðu þeir uppi sem sigurvegarar bæði um jólin og nú í maí. „Þetta er alveg fáránlegt kerfi,“ segir Guðmundur um fyrirkomulagið, sem er í flóknari kantinum eins og lesendur línanna hér að ofan hafa mögulega áttað sig á. „Þetta er gert til að fá fleiri alvöru leiki yfir tímabilið. Aðalleikirnir eru þessir úrslitaleikir og pælingin er ágæt. Þetta er samt afar ruglingslegt,“ segir Guðmundur. Hann bætir við að fyrirkomulaginu verði breytt í hefðbundnara form á næstu leiktíð. Guðmundur spilar ekki alla leiki Taverzo. Hann þarf að spila þrjá leiki í deildinni til að vera löglegur í úrslitakeppninni. Hann spilaði því aðeins fjóra leiki á vortímabilinu að meðtöldum úrslitaleiknum í síðustu viku. Honum stendur til boða að spila með liðinu á næsta ári en hefur ekki gert upp hug sinn.Mætir ef einhver er með stæla „Pælingin var að taka mér smá frí fyrir jól og fara að spila aftur eftir jól,“ segir Guðmundur og segist munu spila eitthvað erlendis. „Það er ekki eins og ég sé orðinn eitthvað eldgamall,“ segir íþróttamaðurinn, sem verður 31 árs í júní. Guðmundur varð Íslandsmeistari í 20. skiptið í röð í mars og vann auk þess þrefalt í sextánda skipti. Hann varð fyrst Íslandsmeistari í karlaflokki aðeins ellefu ára gamall. Á dögunum kom fram að hann ætlaði að leyfa öðrum að vinna titilinn á næsta ári. „Ég er hættur við það. Mig langaði bara í alla athyglina,“ grínast Guðmundur. Hann segir ákvörðun sína standa en segir þó hlæjandi: „Ég gæti samt alveg mætt ef einhver er með stæla.“ Íþróttir Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Fleiri fréttir „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Beckham fimmtugur í dag Kenndi dómaranum um eftir tap Athletic Bilbao fyrir United Glódís Perla eftir að tvennan var tryggð: „Langt síðan síðast“ Dagskráin í dag: Allt undir í Smáranum „Annar fóturinn í úrslitaleikinn en ekkert er búið enn“ „Þetta var hið fullkomna kvöld“ „Þetta er ekki búið“ „Erum komnar til þess að fara alla leið“ Uppgjörið: Haukar - Njarðvík 86-79 | Haukar taka forystu í úrslitaeinvíginu Janus Daði öflugur þegar Pick Szeged féll naumlega úr keppni Meistaradeildardraumur Forest að breytast í martröð Viggó og Andri Már frábærir í sigrum sinna liða Gísli Þorgeir skaut Magdeburg áfram Sjá meira
„Ég vildi leyfa einhverjum Kínverja að taka þetta. Gefa þeim séns. Það má ekki alltaf jarða þá,“ segir Guðmundur hlæjandi um ástæðu þess að hann gaf ekki kost á sér í tvö verkefni íslenska landsliðsins í mánuðinum. Landsliðið lauk keppni á HM í París á mánudaginn en Smáþjóðaleikarnir fara fram í Lúxemborg í lok júní. „Ég hefði viljað taka þátt í heimsmeistaramótinu en það hentaði bara ekki,“ segir Guðmundur, sem starfar hjá tengdaforeldrum sínum í Rafvörumarkaðnum í Síðumúla. Hann segir enn jafnmerkilegt að spila með landsliðinu eftir öll þessi ár. „Það er alltaf gaman að spila en ég hef klárlega gert minna af því undanfarin ár. Þegar maður er alltaf að fara í svona landsliðsverkefni þarf maður stöðugt að fá frí frá vinnu,“ segir Guðmundur. Nóg sé að nota sumarfrísdaga til þess að fara utan og spila með félagsliði sínu í Hollandi. „Það eru styttri ferðir svo ég þarf bara að nota einn sumarfrísdag í staðinn fyrir kannski tíu sem fara í landsliðsverkefnin.“Reif sig úr treyjunni Guðmundur varð hollenskur meistari með liði sínu Taverzo frá bænum Zoetermeer á dögunum. Titillinn var langþráður því Guðmundur og félagar höfðu hafnað í öðru sæti undanfarin tvö ár. Guðmundur reif sig bókstaflega úr treyju sinni þegar sigurinn var í höfn. „Maður verður að sýna tilfinningar,“ segir Guðmundur hlæjandi og bætir við að um létt grín hafi verið að ræða í bland við sigurgleði. Tímabilið í Hollandi er tvískipt að því leyti að leikin er undankeppni og úrslitakeppni bæði fyrir jól og eftir jól. Deildarmeistarar eru krýndir bæði fyrir og eftir jól. Vinni sama liðið báðar deildarkeppnirnar er liðið krýndur hollenskur meistari en ef tvö lið verða deildarmeistarar mætast liðin í hreinum úrslitaleik að vori. Guðmundur og félagar töpuðu þeim úrslitaleik síðustu tvö tímabilin en í ár stóðu þeir uppi sem sigurvegarar bæði um jólin og nú í maí. „Þetta er alveg fáránlegt kerfi,“ segir Guðmundur um fyrirkomulagið, sem er í flóknari kantinum eins og lesendur línanna hér að ofan hafa mögulega áttað sig á. „Þetta er gert til að fá fleiri alvöru leiki yfir tímabilið. Aðalleikirnir eru þessir úrslitaleikir og pælingin er ágæt. Þetta er samt afar ruglingslegt,“ segir Guðmundur. Hann bætir við að fyrirkomulaginu verði breytt í hefðbundnara form á næstu leiktíð. Guðmundur spilar ekki alla leiki Taverzo. Hann þarf að spila þrjá leiki í deildinni til að vera löglegur í úrslitakeppninni. Hann spilaði því aðeins fjóra leiki á vortímabilinu að meðtöldum úrslitaleiknum í síðustu viku. Honum stendur til boða að spila með liðinu á næsta ári en hefur ekki gert upp hug sinn.Mætir ef einhver er með stæla „Pælingin var að taka mér smá frí fyrir jól og fara að spila aftur eftir jól,“ segir Guðmundur og segist munu spila eitthvað erlendis. „Það er ekki eins og ég sé orðinn eitthvað eldgamall,“ segir íþróttamaðurinn, sem verður 31 árs í júní. Guðmundur varð Íslandsmeistari í 20. skiptið í röð í mars og vann auk þess þrefalt í sextánda skipti. Hann varð fyrst Íslandsmeistari í karlaflokki aðeins ellefu ára gamall. Á dögunum kom fram að hann ætlaði að leyfa öðrum að vinna titilinn á næsta ári. „Ég er hættur við það. Mig langaði bara í alla athyglina,“ grínast Guðmundur. Hann segir ákvörðun sína standa en segir þó hlæjandi: „Ég gæti samt alveg mætt ef einhver er með stæla.“
Íþróttir Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Fleiri fréttir „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Beckham fimmtugur í dag Kenndi dómaranum um eftir tap Athletic Bilbao fyrir United Glódís Perla eftir að tvennan var tryggð: „Langt síðan síðast“ Dagskráin í dag: Allt undir í Smáranum „Annar fóturinn í úrslitaleikinn en ekkert er búið enn“ „Þetta var hið fullkomna kvöld“ „Þetta er ekki búið“ „Erum komnar til þess að fara alla leið“ Uppgjörið: Haukar - Njarðvík 86-79 | Haukar taka forystu í úrslitaeinvíginu Janus Daði öflugur þegar Pick Szeged féll naumlega úr keppni Meistaradeildardraumur Forest að breytast í martröð Viggó og Andri Már frábærir í sigrum sinna liða Gísli Þorgeir skaut Magdeburg áfram Sjá meira