Ný nöfn á bikarinn Óskar Ófeigur Jónsson skrifar 3. desember 2013 06:30 Valin í fyrsta sinn. Helgi Sveinsson og Thelma Björg Björnsdóttir með verðlaun sín í gær. Fréttablaðið/Daníel Ný nöfn voru skrifuð á bikara íþróttafólks ársins úr röðum fatlaðra í gær en 34 ára frjálsíþróttamaður úr Ármanni og 17 ára sundkona úr ÍFR voru heiðruð við árlega viðhöfn Íþróttasambands fatlaðra í gær. Helgi Sveinsson varð heimsmeistari í spjótkasti á heimsmeistaramótinu í Lyon í Frakklandi í flokki F42 og Thelma Björg Björnsdóttir skipaði sér í sess með fremstu sundkonum heims í flokki S6 og setti alls 38 Íslandsmet á árinu.Vantar bara eitt Íslandsmet „Ég er rosalega ánægð með þetta ár en það skemmtilegasta á árinu var HM í Montréal,“ sagði Thelma Björg Björnsdóttir. Hún komst í úrslit í öllum greinum sínum á HM og náði best fimmta sæti í 400 metra skriðsundi. „Það gekk vel á HM en mér fannst 100 bringusundið standa upp úr,“ sagði Thelma Björg, en hún var ánægðari með bringusundið en 400 metra skriðsundið þar sem hún náði sínum besta árangri. Tomas Hajek, þjálfari hennar, segir framfarirnar hafa verið miklar í bringusundinu og það skipti stelpuna miklu máli. „Hún er búin að bæta sig ótrúlega mikið síðustu tvö ár,“ segir Tomas. Thelma Björg setti alls 38 Íslandsmet á árinu og á nú nánast öll metin í hennar flokki. „Ég held að hún sé búin að ná öllum Íslandsmetunum í sínum flokki nema í 100 metra flugsundinu,“ segir Tomas Hajek. Hann segir helst vanta meiri samkeppni fyrir hana hérna heima. „Ég er að vona að það komi upp einhver önnur sundkona sem ætlar sér að bæta Íslandsmetin hennar. Thelma þarf að fá meiri samkeppni því í dag er hún bara langbest,“ segir Tomas.Getur náð verðlaunum á EM En hvernig fór Thelma Björg að þessu? „Ég var bara dugleg að æfa,“ svaraði Thelma Björg og Tomas tekur undir það. „Hún vill æfa og hún vill bæta sig. Hún er líka með flotta tilfinningu fyrir vatninu. Hún getur gert meira í lauginni heldur en sundmenn sem eru ekki spastískir. Hún finnur oft sjálf hvað er best að gera,“ segir Tomas og bætir við: „Það er stór möguleiki fyrir hana að ná verðlaunum á EM á næsta ári ef hún er hress og nær að æfa vel. Hún varð þriðji hraðasti evrópski sundmaðurinn á HM í sumar og þess vegna stefnum við á ekkert minna en verðlaun á Evrópumóti,“ segir Tomas. „Þetta ár er búið að vera draumi líkast og þetta er búið að falla fullkomlega fyrir mig. Þessi verðlaun eru bara jólagjöfin mín og jólin komu fyrr hjá mér en öllum hinum. Þetta er frábært,“ segir Helgi Sveinsson himinlifandi með verðlaunin. „Það þýðir ekkert annað en stefna alla leið, annars væri ekkert gaman að þessu. Heimsmeistaramótið í júlí er hápunkturinn. Sú stund datt nánast út hjá mér og ég finn hana ekkert aftur. Ég er búinn að horfa aftur á upptöku af þessu en samt man ég ekki hvernig dagurinn var. Þetta er samt klárlega einn besti dagur sem ég hef upplifað,“ segir Helgi sem tryggði sér HM-gull í Lyon í Frakklandi í síðasta kastinu. „Ég náði þessu í síðasta kasti og þetta er eins og í einhverri lygasögu,“ segir Helgi brosandi. HM-gullið verður hins vegar aldrei tekið af honum og hann er ekki hættur.Með stór markmið „Ég er engan veginn hættur. Ég er með stór markmið en læt þau ekki uppi alveg strax,“ segir Helgi sem felldi sundmanninn Jón Margeir Sverrisson af stallinum sem íþróttamaður ársins hjá fötluðum. Jón Margeir hafði unnið þessi verðlaun þrjú ár í röð. „Það er mikill heiður fyrir mig að taka við verðlaunum frá honum. Jón Margeir er alveg ótrúlegur íþróttamaður en hann er kominn með keppinaut núna og við skulum síðan sjá til hvað ég endist lengi. Hann er ungur en ég er að verða svolítið gamall. Það er alltaf markmið að komast með honum á Ólympíuleikana 2016. Við skulum sjá hvað gerist,“ sagði Helgi. Innlendar Mest lesið Þessir þurfa að heilla Amorim Enski boltinn „Lélegasti leikurinn okkar í sumar“ Íslenski boltinn Brynjólfur Andersen með tvö gegn Wrexham Fótbolti Kom ekkert annað til greina en West Ham hjá Wilson Enski boltinn Luka framlengir til þriggja ára í Los Angeles Körfubolti Stórt tap á Ítalíu Körfubolti Ísland mátti þola stórt tap Körfubolti Grindavík fær leikstjórnanda frá Grikklandi Körfubolti „Hefðum ekki átt að tapa þessum leik“ Íslenski boltinn Ramsdale mættur til Newcastle Enski boltinn Fleiri fréttir Þessir þurfa að heilla Amorim Kom ekkert annað til greina en West Ham hjá Wilson Grindavík fær leikstjórnanda frá Grikklandi Brynjólfur Andersen með tvö gegn Wrexham Stórt tap á Ítalíu Ísland mátti þola stórt tap Ramsdale mættur til Newcastle Eggert Aron skoraði og lagði upp í stórsigri Brann „Lélegasti leikurinn okkar í sumar“ Luka framlengir til þriggja ára í Los Angeles „Hefðum ekki átt að tapa þessum leik“ Davíð Snær og Guðlaugur Victor lögðu upp mörk „Ég vona að tjaldið mitt sé ennþá þarna, það verður gaman í kvöld“ Leclerc óvænt á ráspól í Ungverjalandi Ledecky lenti í vandræðum en hélt krúnunni Arnór og Ísak skoruðu í stórfurðulegum tíu marka leik Settu Íslandsmet í síðasta sundinu á HM í Singapúr Isak snýr aftur til æfinga með Newcastle Uppgjörið: ÍBV - KR 2-1 | Fyrirliðinn tryggði fögnuð í Eyjum „Einhver blástur en ekkert sem á að hafa svakaleg áhrif“ Handtekin fyrir að lemja kærastann en hann vildi ekki kæra „Mikilvægt að fá nýjan og ferskan Blæ inn í þetta“ Newcastle býður í Sesko Son spilar sinn síðasta leik fyrir Tottenham á morgun „Erfið og flókin staða“ Sveindís spilaði fyrsta leikinn fyrir Angel City Fékk vægt áfall: „Með fullt af missed calls“ Stjórnendur NBA reyna að sannfæra Real Madrid og fleiri forrík félög „Úrvalsdeildarliðum verður ekki fækkað niður í 18“ Dagskráin í dag: Þjóðhátíðarleikur í Eyjum og allskonar annað Sjá meira
Ný nöfn voru skrifuð á bikara íþróttafólks ársins úr röðum fatlaðra í gær en 34 ára frjálsíþróttamaður úr Ármanni og 17 ára sundkona úr ÍFR voru heiðruð við árlega viðhöfn Íþróttasambands fatlaðra í gær. Helgi Sveinsson varð heimsmeistari í spjótkasti á heimsmeistaramótinu í Lyon í Frakklandi í flokki F42 og Thelma Björg Björnsdóttir skipaði sér í sess með fremstu sundkonum heims í flokki S6 og setti alls 38 Íslandsmet á árinu.Vantar bara eitt Íslandsmet „Ég er rosalega ánægð með þetta ár en það skemmtilegasta á árinu var HM í Montréal,“ sagði Thelma Björg Björnsdóttir. Hún komst í úrslit í öllum greinum sínum á HM og náði best fimmta sæti í 400 metra skriðsundi. „Það gekk vel á HM en mér fannst 100 bringusundið standa upp úr,“ sagði Thelma Björg, en hún var ánægðari með bringusundið en 400 metra skriðsundið þar sem hún náði sínum besta árangri. Tomas Hajek, þjálfari hennar, segir framfarirnar hafa verið miklar í bringusundinu og það skipti stelpuna miklu máli. „Hún er búin að bæta sig ótrúlega mikið síðustu tvö ár,“ segir Tomas. Thelma Björg setti alls 38 Íslandsmet á árinu og á nú nánast öll metin í hennar flokki. „Ég held að hún sé búin að ná öllum Íslandsmetunum í sínum flokki nema í 100 metra flugsundinu,“ segir Tomas Hajek. Hann segir helst vanta meiri samkeppni fyrir hana hérna heima. „Ég er að vona að það komi upp einhver önnur sundkona sem ætlar sér að bæta Íslandsmetin hennar. Thelma þarf að fá meiri samkeppni því í dag er hún bara langbest,“ segir Tomas.Getur náð verðlaunum á EM En hvernig fór Thelma Björg að þessu? „Ég var bara dugleg að æfa,“ svaraði Thelma Björg og Tomas tekur undir það. „Hún vill æfa og hún vill bæta sig. Hún er líka með flotta tilfinningu fyrir vatninu. Hún getur gert meira í lauginni heldur en sundmenn sem eru ekki spastískir. Hún finnur oft sjálf hvað er best að gera,“ segir Tomas og bætir við: „Það er stór möguleiki fyrir hana að ná verðlaunum á EM á næsta ári ef hún er hress og nær að æfa vel. Hún varð þriðji hraðasti evrópski sundmaðurinn á HM í sumar og þess vegna stefnum við á ekkert minna en verðlaun á Evrópumóti,“ segir Tomas. „Þetta ár er búið að vera draumi líkast og þetta er búið að falla fullkomlega fyrir mig. Þessi verðlaun eru bara jólagjöfin mín og jólin komu fyrr hjá mér en öllum hinum. Þetta er frábært,“ segir Helgi Sveinsson himinlifandi með verðlaunin. „Það þýðir ekkert annað en stefna alla leið, annars væri ekkert gaman að þessu. Heimsmeistaramótið í júlí er hápunkturinn. Sú stund datt nánast út hjá mér og ég finn hana ekkert aftur. Ég er búinn að horfa aftur á upptöku af þessu en samt man ég ekki hvernig dagurinn var. Þetta er samt klárlega einn besti dagur sem ég hef upplifað,“ segir Helgi sem tryggði sér HM-gull í Lyon í Frakklandi í síðasta kastinu. „Ég náði þessu í síðasta kasti og þetta er eins og í einhverri lygasögu,“ segir Helgi brosandi. HM-gullið verður hins vegar aldrei tekið af honum og hann er ekki hættur.Með stór markmið „Ég er engan veginn hættur. Ég er með stór markmið en læt þau ekki uppi alveg strax,“ segir Helgi sem felldi sundmanninn Jón Margeir Sverrisson af stallinum sem íþróttamaður ársins hjá fötluðum. Jón Margeir hafði unnið þessi verðlaun þrjú ár í röð. „Það er mikill heiður fyrir mig að taka við verðlaunum frá honum. Jón Margeir er alveg ótrúlegur íþróttamaður en hann er kominn með keppinaut núna og við skulum síðan sjá til hvað ég endist lengi. Hann er ungur en ég er að verða svolítið gamall. Það er alltaf markmið að komast með honum á Ólympíuleikana 2016. Við skulum sjá hvað gerist,“ sagði Helgi.
Innlendar Mest lesið Þessir þurfa að heilla Amorim Enski boltinn „Lélegasti leikurinn okkar í sumar“ Íslenski boltinn Brynjólfur Andersen með tvö gegn Wrexham Fótbolti Kom ekkert annað til greina en West Ham hjá Wilson Enski boltinn Luka framlengir til þriggja ára í Los Angeles Körfubolti Stórt tap á Ítalíu Körfubolti Ísland mátti þola stórt tap Körfubolti Grindavík fær leikstjórnanda frá Grikklandi Körfubolti „Hefðum ekki átt að tapa þessum leik“ Íslenski boltinn Ramsdale mættur til Newcastle Enski boltinn Fleiri fréttir Þessir þurfa að heilla Amorim Kom ekkert annað til greina en West Ham hjá Wilson Grindavík fær leikstjórnanda frá Grikklandi Brynjólfur Andersen með tvö gegn Wrexham Stórt tap á Ítalíu Ísland mátti þola stórt tap Ramsdale mættur til Newcastle Eggert Aron skoraði og lagði upp í stórsigri Brann „Lélegasti leikurinn okkar í sumar“ Luka framlengir til þriggja ára í Los Angeles „Hefðum ekki átt að tapa þessum leik“ Davíð Snær og Guðlaugur Victor lögðu upp mörk „Ég vona að tjaldið mitt sé ennþá þarna, það verður gaman í kvöld“ Leclerc óvænt á ráspól í Ungverjalandi Ledecky lenti í vandræðum en hélt krúnunni Arnór og Ísak skoruðu í stórfurðulegum tíu marka leik Settu Íslandsmet í síðasta sundinu á HM í Singapúr Isak snýr aftur til æfinga með Newcastle Uppgjörið: ÍBV - KR 2-1 | Fyrirliðinn tryggði fögnuð í Eyjum „Einhver blástur en ekkert sem á að hafa svakaleg áhrif“ Handtekin fyrir að lemja kærastann en hann vildi ekki kæra „Mikilvægt að fá nýjan og ferskan Blæ inn í þetta“ Newcastle býður í Sesko Son spilar sinn síðasta leik fyrir Tottenham á morgun „Erfið og flókin staða“ Sveindís spilaði fyrsta leikinn fyrir Angel City Fékk vægt áfall: „Með fullt af missed calls“ Stjórnendur NBA reyna að sannfæra Real Madrid og fleiri forrík félög „Úrvalsdeildarliðum verður ekki fækkað niður í 18“ Dagskráin í dag: Þjóðhátíðarleikur í Eyjum og allskonar annað Sjá meira