Strákarnir mættir í sólina til Abú Dabí - myndir

Íslenska karlalandsliðið í fótbolta er nú statt í Abú Dabí í Sameinuðu arabísku furstadæmunum þar sem liðið er í æfingabúðum og mun svo leika vináttuleik við Svía á þriðjudaginn. Leikurinn verður sýndur beint á Stöð 2 Sport.

Íslenska liðið er skipað leikmönnum sem spila hér heima eða á Norðurlöndum en leikmenn annarsstaðar í Evrópu fengu sig ekki lausa þar sem að þetta er ekki opinber landsleikjadagur.

Svíar hafa verið lengur en íslenska liðið í æfingabúðum og unnu 2-1 sigur á Moldavíu í vináttulandsleik fyrir helgi.

Hilmar Þór Guðmundsson, starfsmaður KSÍ, er með í ferðinni til í Abú Dabí og hann hefur tekið skemmtilegar myndir af strákunum í sólinni.