Emil Hallfreðsson var í byrjunarliði Hellas Verona þegar liðið tapaði 3-0 fyrir Napoli á heimavelli í dag. Napoli var 1-0 yfir í hálfleik.
Dries Mertens skoraði eina mark fyrri hálfleiks á 27. mínútu en meira var ekki skorað fyrr en búið var að skipta Emil af leikvelli.
Emil fór útaf á 67. mínútu og fimm mínútum síðar skoraði Lorenzo Insigne. Þegar fjórtán mínútur voru til leiksloka gerði Blerim Dzemaili út um leikinn með þriðja marki Napoli.
Napoli er í þriðja sæti deildarinnar með 42 stig eftir 19 leiki og er tíu stigum á eftir toppliði Juventus. Verona er í 5. sæti með 32 stig.
Önnur úrslit á Ítalíu í dag:
Torino - Fiorentina 0-0
Atalanta - Catania 2-1
Cagliari - Juventus 1-4
Roma - Genoa 4-0
Emil byrjaði í tapi gegn Napoli
