Ginobili með snyrtilegan klobba

Kevin Durant skoraði 30 stig þegar Oklahoma City Thunder vann sinn þriðja sigur í röð þegar Sacramento mætti í heimsókn.

Durant, sem margir telja einn allra besta leikmann deildarinnar, skoraði 54 í síðasta leik Oklahoma og var enn á ný í banastuði.

Michael Malone, þjálfari Sacramento, hafði sagt engar líkur á að Durant myndi endurtaka leikinn frá því gegn Golden State Warriors á föstudagskvöldið. Það skipti engu máli því Durant og félagar höfðu 108-93 sigur. Þá átti Durant níu stoðsendingar.

Mörg flott tilþrif sáust í leikjunum fimm sem fram fóru í gærkvöldi og má sjá þau fimm bestu hér að neðan. Klobbi Manu Ginobili með San Antonio Spurs gegn Milwaukee Bucks vakti verðskuldaða athygli.

Rajon Rondo minnti á sig með flottri frammistöðu með Boston gegn Orlando en það dugði ekki til í 93-91. Stuðningsmenn Boston geta þó fagnað endurkomu Rondo sem ætti að virka sem góð vítamínssprauta á þá grænklæddu.

Úrslit næturinnar

Toronto Raptors 106-112 Los Angeles Lakers

Orlando Magic 93-91 Boston Celtics

Oklahoma City Thunder 108-93 Sacramento Kings

San Antonio Spurs 110-82 Milwaukee Bucks

Phoenix Suns 11-103 Denver Nuggets