Íþrótta- og Ólympíusamband Íslands tilkynnti í morgun að skíðakonan Erla Ásgeirsdóttir muni taka sæti Maríu Guðmundsdóttur á Vetrarólympíuleikunum í Sotsjí.
María meiddist við keppni í Jenner í Þýskalandi í gær og er óttast að hún hafi skaddað liðbönd í hné.
Erla var tilnefnd sem varamaður fyrir leikana og hefur náð viðmiðum Alþjóðaskíðasambandsins fyrir leikana. Í fyrradag náði hún sínum besta árangri á móti til þessa í Kongsberg í Noregi.
Keppni á leikunum í Sotsjí hefst á föstudaginn og verður sýnt frá þeim í beinni útsendingu á Stöð 2 Sport og íþróttavef Vísis.
Erla fer til Sotsjí í stað Maríu
Tengdar fréttir
Ólympíudraumur Maríu úti
María Guðmundsdóttir meiddist illa á hné í stórsvigskeppni í Þýskalandi í dag. Hún missir af Vetrarólympíuleikunum í Sotsjí af þeim sökum.
