Í lok hvers keppnisdags á Vetrarólympíuleikunum í Sotsjí verður allt það helsta gert upp í samantektarþætti hér á Vísi og Stöð 2 Sport.
Þorkell Gunnar Sigurbjörnsson hefur umsjón með þættinum sem hefst klukkan 22.00. Þáttinn má sjá í heild sinni í spilaranum hér fyrir ofan.
Það voru sex Ólympíugull í boði í dag og fóru þau til fimm landa. Kínverjar unnu tvö gull og sigur þýsku sveitarinnar í liðakeppni á baksleðum þýddi að Þýskaland vann öll gull í boði í greininni á leikunum í Sotsjí.
Ólympíumeistarar voru krýndir í eftirtöldum greinum í dag:
20 km ganga karla í skíðaskotfimi: Martin Fourcade frá Frakklandi
10 km hefðbundin skíðaganga kvenna: Justyna Kowalczyk frá Póllandi
Brekkufimi karla á skíðum: Joss Christensen frá Bandaríkjunum
Liðakeppni á baksleðum: Þýskaland (Natalie Geisenberger, Felix Loch og
Tobias Wendl/Tobias Arlt)
500 metra skautaat kvenna: Li Jianrou frá Kína
1000 metra skautahlaup kvenna: Zhang Hong frá Kína
