Markvörður Barcelona, Victor Valdes, er búinn að fara í aðgerð vegna hnémeiðslanna sem hann varð fyrir á dögunum. Nú tekur við sjö mánaða hvíld hjá honum.
Það þýðir að þessi 32 ára gamli markvörður mun missa af HM í sumar þar sem hann hefði líklega verið aðalmarkvörður hjá spænska landsliðinu.
Valdes sleit krossband í leik gegn Celta Vigo og fór í aðgerðina í Þýskalandi.
Samningur hans við Barcelona rennur út í sumar en hann hefur spilað 535 leiki fyrir félagið. Hann er búinn að vinna spænsku deildina sex sinnum og Meistaradeildina þrisvar sinnum.
Valdes verður frá í sjö mánuði
Tengdar fréttir
Valdes sleit krossband | Myndband
Victor Valdes, markvörður Barcelona, er búinn að spila sinn síðasta leik fyrir félagið en hann meiddist á hné í kvöld í leik Barcelona og Celta Vigo.
Barcelona reiðubúið að bjóða Valdes nýjan samning
Victor Valdes sleit nýverið krossband í hné en félag hans er engu að síður reiðubúið að bjóða honum nýjan samning.
