„Ég er bara svo þakklát íbúum Ísafjarðarbæjar fyrir að hafa treyst okkur“, segir Arna Lára Jónsdóttir, oddviti Í-listans, sem hlaut hreinan meirihluta á Ísafirði.
"Þetta voru bara frábærar fréttir. Maður þorði samt ekki að vona þetta. En við höfum fundið rosalega góðan meðbyr, þannig að þetta kom pínulítið á óvart en samt ekki.“
Arna segist bjartsýn fyrir kjörtímabilið og staðfesti í samtali við Vísi að Gísli Halldór Halldórsson, sem var bæjarstjóraefni Í-listans, verði bæjarstjóri.
