Aðstandendur hátíðarinnar Rauðasandur Festival í samráði við sveitarfélagið Vesturbyggð og lögregluembætti Vestfjarða hafa tekið þá ákvörðun í ljósi veðurfarslegra aðstæðna að færa hátíðina yfir á Patreksfjörð að svo stöddu.
Þetta kemur fram í tilkynningu frá forsvarsmönnum hátíðarinnar. Hátíðin hefst í kvöld og mun dagskrá lítið riðlast en dagskrárliðir fara fram í og við Sjóræningjahúsið á Patreksfirði en hátíðargestir fá gistingu inni í Félagsheimilinu á Patreksfirði.
Aðstandendur hátíðarinnar vilja beina öllum gestum sem eru nú þegar á leið vestur að koma beint inn á Patreksfjörð og í Félagsheimilið til að fá frekari fréttir um dagskrána og fyrirkomulag varðandi gistingu.
Aðstandendur hátíðarinnar vilja koma á framfæri þakklæti til sveitarfélagsins Vesturbyggðar og lögregluembættis Vestfjarða fyrir samvinnuna en samin hafði verið aðgerðaráætlun fyrr á þessu ári ef aðstæður sem þessar myndu skapast.
Færa hátíðina yfir á Patreksfjörð vegna veðurs
Tengdar fréttir
"Eins og að vera í snertingu við almættið“
Skipuleggendur tónlistarhátíðarinnar á Rauðasandi hafa tilkynnt seinustu þrjú tónlistaratriðin og því dagskráin orðin tilbúin.
"Fólk er að pakka saman hérna á Blautasandi"
Ljóst er að veðrið hefur leikið tónlistarhátíðina Rauðasandur Festival grátt, því gestir hátíðarinnar eru í óðaönn að pakka saman tjöldum sínum.
