ÍA vann Grindavík, 2-0, í 1. deild karla í fótbolta í kvöld og heldur áfram stefnu sinni upp í úrvalsdeildina á nýjan leik.
Jón Vilhelm Ákason kom ÍA yfir á 45. mínútu og markahrókurinn GarðarBergmannGunnlaugsson tvöfaldaði forskot heimamanna á 74. mínútu.
Páll Gísli Jónsson, hinn þrautreyndi markvörður ÍA, kom inn á í uppbótartíma eftir að Árni Snær Ólafsson var rekinn af velli, en Páll Gísli spilar því væntanlega næsta leik liðsins.
ÍA er í öðru sæti deildarinnar með 24 stig, jafnmörg og Þróttur en með betra markahlutfall. Grindavík er sem fyrr í fallsæti með þrettán stig, stigi minna en BÍ/Bolungarvík og KV sem bæði eiga leiki til góða.
Árni Snær sá rautt í sigri Skagamanna
