Innlent

Hanna Birna ber vitni í málinu

Sunna Karen Sigurþórsdóttir skrifar
Við þingfestinguna í morgun.
Við þingfestinguna í morgun. vísir/gva
Hanna Birna Kristjánsdóttir innanríkisráðherra er á meðal þeirra sem kvödd verða til vitnis í máli ríkissaksóknara á hendur Gísla Frey Valdórssyni. Þingfesting í málinu fór fram í Héraðsdómi Reykjavíkur í morgun og neitaði Gísli Freyr sök í málinu. Er honum gefið að sök að hafa brotið gegn þagnarskyldu í starfi sínu sem aðstoðarmaður innanríkisráðherra með því að hafa lekið minnisblaði sem innihélt viðkvæmar upplýsingar um hælisleitandann Tony Omos og tvær konur.

Þórey Vilhjálmsdóttir, annar aðstoðarmanna Hönnu Birnu er jafnframt á meðal þeirra sem bera munu vitni í málinu, Mörður Árnason varaþingmaður Samfylkingarinnar, Jón Bjarki Magnússon blaðamaður á DV og Ragnhildur Hjaltadóttir ráðuneytisstjóri í innanríkisráðuneytinu.

Gísli Freyr krefst frávísunar ákærunnar meðal annars þar sem ákæra er óskýr. Næsta fyrirtaka í málinu er 30. september þegar málflutningur verður um frávísunarkröfu Gísla Freys.

Vitnalistann í heild sinni má sjá hér:

Hanna Birna Kristjánsdóttir

Þórey Vilhjálmsdóttir

Ragnhildur Hjaltadóttir

Bryndís Helgadóttir

Guðmundur Örvar Bergþórsson

Sigríður Kristín Axelsdóttir

Hinrika Sandra Ingimundardóttir

Mörður Árnason

Jón Bjarki Magnússon

Einar Steingrímsson

Grímur Grímsson

Heiðar Örn Guðnason

Gylfi Dýrmundsson

Þórbjörn Sigurðsson

Lekamálið

Tengdar fréttir

Krefja Gísla Frey um sjö milljónir króna

Gísli Freyr Valdórsson, aðstoðarmaður Hönnu Birnu Kristjánsdóttur, er krafinn um sjö milljónir króna í miskabætur vegna meints leka úr innanríkisráðuneytinu.

Hanna Birna svarar umboðsmanni

Hanna Birna segir lögreglustjóra ekki hafa stjórnar rannsókn á meintum leka úr innanríkisráðuneytinu.

Lekamálið: Afstaða Hönnu Birnu stangast á við lögreglulög

Innanríkisráðherra segir að samskipti sín við lögreglustjóra höfuðborgarsvæðisins hafi verið eðlileg því lögreglustjórinn hafi ekki komið nálægt rannsókn lekamálsins. Þessi skoðun ráðherrans gengur í berhögg við þau ákvæði sem gilda um lögregluna í lögreglulögum og starfsskyldur lögreglustjóra í sömu lögum.

„Ég tel að Hanna Birna komist í gegnum þetta mál"

„Augljóslega er þetta mjög óþægileg staða fyrir ráðherra en mér finnst hún hafa brugðist vel við,“ segir Bjarni Benediktsson, fjármálaráðherra, í samtali við Sigurjón M. Egilsson í þættinum Sprengisandur á Bylgjunni.

Yfirlýsing frá Gísla Frey: Segist fullviss um að verða sýknaður

"Svo virðist sem grundvallarafstaða ákæruvaldsins, sem felst í því að ekki sé gefin út ákæra nema yfirgnæfandi líkur séu á sakfellingu, sé að engu höfð,“ segir aðstoðarmaður innanríkisráðherra sem nú hefur verið vikið frá störfum.

Mest lesið


Fleiri fréttir

Sjá meira


×

Mest lesið