ÍBV tapaði fyrir ítalska liðinu Jomi Salerno, 27-24, í fyrri leik liðanna í annarri umferð EHF-bikarsins í handbolta í kvöld.
Staðan var jöfn í hálfleik, 14-14, en ítalska liðið var sterkara í þeim síðari og innbyrti þriggja marka sigur.
Jóna Sigríður Halldórsdóttir skoraði sjö mörk fyrir ÍBV og var markahæst Eyjakvenna, en Telma Amado skoraði sex mörk, Díana Dögg Magnúsdóttir fjögur, VeraLopes þrjú, og þær Elín Anna Baldursdóttir og Bergey Alexandersdóttir tvö mörk hvor.
Seinni leikurinn fer fram á morgun á sama stað.
Eyjakonur töpuðu fyrri leiknum á Ítalíu
