Ásgeir Örn Hallgrímsson, hægri skytta íslenska karlalandsliðsins í handbolta, verður með í leiknum gegn Svartfjallalandi á sunnudaginn.
Ásgeir Örn gaf upphaflega ekki kost á sér í fyrstu verkefni liðsins þar sem hann og konan hans áttu von á barni.
Næstu verkefni liðsins eru leikir gegn Ísrael á miðvikudaginn í Laugardalshöllinni og svo gegn Svartfjallalandi ytra á sunnudaginn.
„Konan hans Ásgeirs Arnar er búin að eiga þannig hann kemur til móts við liðið fyrir leikinn í Svartfjallalandi,“ sagði Aron Kristjánsson, landsliðsþjálfari, við Vísi á blaðamannafundi liðsins í dag.
Þetta er mikill styrkur fyrir íslenska liðið, sérstaklega varnarlega, en Ásgeir Örn hefur lengi verið einn besti varnarmaður liðsins. Þá gefur hann íslenska liðinu mikilvæga breidd hægra megin á vellinum.
Ásgeir Örn verður með gegn Svartfjallalandi - konan búin að eiga
Tengdar fréttir
Guðjón Valur talar hreint út: Var með óbragð í munninum allt sumarfríið
Landsliðsfyrirliðinn segist hafa fundið fyrir andlegri þreytu í hópnum í sumar þegar handboltalandsliðinu mistókst að komast á HM.
„Handboltinn er bananasport að þessu leyti“
Snorri Steinn Guðjónsson segir að hann hafi skilning á þeirri ákvörðun að hleypa Þýskalandi á HM í Katar.
