Jón Guðni og Rúnar Már upp um deild

GIF Sundsvall, lið Jóns Guðna Fjólusonar og Rúnars Más Sigurjónssonar, tryggði sér í dag sæti í sænsku úrvalsdeildinni á næstu leiktíð með markalausu jafntefli gegn Landskrona.

Jón Guðni og Rúnar Már spiluðu báðir allan leikinn, en leikurinn endaði eins og fyrr segir með markalausu jafntefli.

Stigið tryggði Sundsvall öruggt sæti í sænsku úrvalsdeildinni á næstu leiktíð og Hammarby mun fylgja þeim upp. Ljungskile mun leika við Skúla Jón Friðgeirsson og félaga í Gefle um laust sæti í efstu deild á næstu leiktíð.