Fimm blaklið hótuðu að draga lið sín úr bikarkeppninni

Fimm blaklið á höfuðborgasvæðinu hótuðu að taka ekki þátt í forkeppni bikarkeppni Blaksambandsins yrði forkeppnin leikin í Neskaupstað. Blaksambandið hafnaði kröfunni og verður leikið í Neskaupstað.

Formenn HK, Stjörnunnar, Fylkis, Aftureldingar og Þróttar Reykjavíkur segir að mótmælin séu vegna þess hve bág fjárhagstaða félagana eru. Þau lögðu til að mótið yrði frekar haldið á stór Reykjavíkursvæðinu.

Liðin hótuðu að draga lið sín úr keppni myndi Blaksambandið ekki afturkalla ákvörðun sína að halda mótið fyrir austan.

Blaksambandið féllst ekki á tillöguna og verður því mótið haldið á Neskaupstað, en nú þegar hefur Fylkir dregið bæði lið sín úr keppni sem og kvennalið Þróttar Reykjavíkur.

Leikið verður í forkeppni bikarkeppninnar á Neskaupstað þann 21. - 23. nóvember.