Vandræðagangur við skipan þjóðleikhússtjóra Jakob Bjarnar skrifar 12. nóvember 2014 10:28 Svo virðist sem Illugi geti ekki gert upp við sig hvern skal skipa í stöðu Þjóðleikhússtjóra og er biðin að verða vandræðalega löng. Þeir sem fylgjast með menningarmálum eru margir orðnir ákaflega langeygir eftir því að til tíðinda dragi; að skipaður verði Þjóðleikhússtjóri. Þannig spyr Selma Björns leikstjóri á Facebook nýverið hvenær í ósköpunum menntamálaráðherra ætli „eiginlega að tilkynna nýjan Þjóðleikhússtjóra? Er þetta ekki orðið vandræðalegt og virðingalaust gagnvart umsækjendum? Jah, maður spyr sig.“ Fjölmargir þekktir úr leikhúsgeiranum eru til að taka undir með Selmu, auk Katrínar Jakobsdóttur, fyrrverandi menntamálaráðherra. Staðan var auglýst til umsóknar 1. júní síðastliðinn. Umsóknarfrestur um embætti þjóðleikhússtjóra rann út 1. september 2014 en mennta- og menningarmálaráðuneytinu bárust umsóknir frá þremur konum og sjö körlum. Búist hafði verið við því að niðurstaðan lægi fyrir hver tekur við stjórn leikhússins um áramót þegar Tinna Gunnlaugsdóttir lætur af störfum. Vísir hefur undanfarna daga haft ítrekað samband við menntamálaráðuneytið til að grennslast fyrir um málið og fengið þau svör ítrekað að svars sé að vænta innan skamms en ekki hefur enn dregið til tíðinda. Ingimundur Sigfússon, formaður Þjóðleikhúsráðs, tjáði Vísi í gær að ráðið hafi gefið umsögn og það sé í höndum ráðuneytisins. „Ég veit ekkert enda málið ekki í mínum höndum.“ Samkvæmt heimildum Vísis hefur val Illuga Gunnarssonar menntamálaráðherra einkum verið milli þeirra Ragnheiðar Skúladóttur og Ara Matthíassonar, framkvæmdastjóra Þjóðleikhússins, og er þá litið til menntunar þeirra og reynslu. Ari er lærður leikari og er með bæði MSc í hagfræði og MBA, auk náms í bókmenntafræði. Ragnheiður er með mastergráðu í leikhúsfræðum, hún var deildarstjóri leiklistadeildar Listaháskólans og hefur undanfarið verið leikhússtjóri á Akureyri. Bæði voru þau kölluð til viðtals hjá ráðherra fyrir þremur vikum. Þá var búið var að þrengja hóp umsækjenda en þau hin sem helst komu til álita voru þau Marta Nordal og Rúnar Guðbrandsson. Aðrir umsækjendur um stöðuna voru Halldór Einarsson Laxness, Hávar Sigurjónsson, Hilmar Jónsson, Melkorka Tekla Ólafsdóttir, Reynir Freyr Reynisson og Trausti Ólafsson. Þá hefur Vísir heyrt kenningar þess efnis að hugsanlegt sé að kominn sé kandídat inn í myndina sem ekki var meðal upphaflegra umsækjenda. Þá myndi menntamálaráðherra gefa það út að staðan verði auglýst á ný, en víst er að ekki er mikill tími til stefnu, reynist fótur fyrir þessu. Þetta eru ekki einu vandræðin sem tengst hafa Þjóðleikhúsinu en nýverið kom upp sérkennileg staða varðandi samningamál Tinnu leikhússtjóra, en hún er nú að æfa í Sjálfstæðu fólki - hetjusögu, sem verður jólasýning Þjóðleikhússins. Tinna hefur gegnt stöðu leikhússtjóra frá árinu 2004 eða í tíu ár. Miðað er við að mennta- og menningarmálaráðherra skipi í stöðuna til fimm ára, frá 1. janúar 2015. Grunnlaun leikhússtjóra samkvæmt taxta eru 659.654 krónur.Uppfært: 11:18 Samkvæmt upplýsingum úr ráðuneytinu er enginn flugufótur fyrir því að um annan kandídat sé að ræða utan þeirra sem sóttu um stöðuna. Málið er í ferli. Tengdar fréttir Tíu sóttu um starf þjóðleikhússtjóra Skipað er í stöðuna til fimm ára og mun sá útvaldi hefja störf þann 1. janúar næstkomandi. 3. september 2014 16:02 Krísa innan Þjóðleikhússins Upp er komin flókin og erfið staða innan Þjóðleikhússins vegna hugsanlegra hagsmunatengsla Tinnu Gunnlaugsdóttur Þjóðleikhússtjóra en til stendur að hún taki að sér tvö hlutverk á sviðinu þar innan tíðar. 11. október 2014 07:00 Mest lesið „Algjörlega alveg út í hött“ Innlent Umferðin færist inn á íbúðagötur Innlent Skipar Ísraelum að hætta að sprengja Erlent Diddy í fimmtíu mánaða fangelsisvist Erlent Andar sem eru ekki hér en voru í myndinni þeir sveima og fylgjast með Innlent Vann á öllum deildum leikskólans Innlent „Af hverju ertu svona í framan?“ Innlent Nýsestur á skrifstofunni þegar hann fékk bíl í flasið Innlent Dugar ekki lengur að dorga og nú þurfi að kasta út neti Innlent Hamasliðar tilbúnir að sleppa gíslum og láta völd af hendi Erlent Fleiri fréttir Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Sjá meira
Þeir sem fylgjast með menningarmálum eru margir orðnir ákaflega langeygir eftir því að til tíðinda dragi; að skipaður verði Þjóðleikhússtjóri. Þannig spyr Selma Björns leikstjóri á Facebook nýverið hvenær í ósköpunum menntamálaráðherra ætli „eiginlega að tilkynna nýjan Þjóðleikhússtjóra? Er þetta ekki orðið vandræðalegt og virðingalaust gagnvart umsækjendum? Jah, maður spyr sig.“ Fjölmargir þekktir úr leikhúsgeiranum eru til að taka undir með Selmu, auk Katrínar Jakobsdóttur, fyrrverandi menntamálaráðherra. Staðan var auglýst til umsóknar 1. júní síðastliðinn. Umsóknarfrestur um embætti þjóðleikhússtjóra rann út 1. september 2014 en mennta- og menningarmálaráðuneytinu bárust umsóknir frá þremur konum og sjö körlum. Búist hafði verið við því að niðurstaðan lægi fyrir hver tekur við stjórn leikhússins um áramót þegar Tinna Gunnlaugsdóttir lætur af störfum. Vísir hefur undanfarna daga haft ítrekað samband við menntamálaráðuneytið til að grennslast fyrir um málið og fengið þau svör ítrekað að svars sé að vænta innan skamms en ekki hefur enn dregið til tíðinda. Ingimundur Sigfússon, formaður Þjóðleikhúsráðs, tjáði Vísi í gær að ráðið hafi gefið umsögn og það sé í höndum ráðuneytisins. „Ég veit ekkert enda málið ekki í mínum höndum.“ Samkvæmt heimildum Vísis hefur val Illuga Gunnarssonar menntamálaráðherra einkum verið milli þeirra Ragnheiðar Skúladóttur og Ara Matthíassonar, framkvæmdastjóra Þjóðleikhússins, og er þá litið til menntunar þeirra og reynslu. Ari er lærður leikari og er með bæði MSc í hagfræði og MBA, auk náms í bókmenntafræði. Ragnheiður er með mastergráðu í leikhúsfræðum, hún var deildarstjóri leiklistadeildar Listaháskólans og hefur undanfarið verið leikhússtjóri á Akureyri. Bæði voru þau kölluð til viðtals hjá ráðherra fyrir þremur vikum. Þá var búið var að þrengja hóp umsækjenda en þau hin sem helst komu til álita voru þau Marta Nordal og Rúnar Guðbrandsson. Aðrir umsækjendur um stöðuna voru Halldór Einarsson Laxness, Hávar Sigurjónsson, Hilmar Jónsson, Melkorka Tekla Ólafsdóttir, Reynir Freyr Reynisson og Trausti Ólafsson. Þá hefur Vísir heyrt kenningar þess efnis að hugsanlegt sé að kominn sé kandídat inn í myndina sem ekki var meðal upphaflegra umsækjenda. Þá myndi menntamálaráðherra gefa það út að staðan verði auglýst á ný, en víst er að ekki er mikill tími til stefnu, reynist fótur fyrir þessu. Þetta eru ekki einu vandræðin sem tengst hafa Þjóðleikhúsinu en nýverið kom upp sérkennileg staða varðandi samningamál Tinnu leikhússtjóra, en hún er nú að æfa í Sjálfstæðu fólki - hetjusögu, sem verður jólasýning Þjóðleikhússins. Tinna hefur gegnt stöðu leikhússtjóra frá árinu 2004 eða í tíu ár. Miðað er við að mennta- og menningarmálaráðherra skipi í stöðuna til fimm ára, frá 1. janúar 2015. Grunnlaun leikhússtjóra samkvæmt taxta eru 659.654 krónur.Uppfært: 11:18 Samkvæmt upplýsingum úr ráðuneytinu er enginn flugufótur fyrir því að um annan kandídat sé að ræða utan þeirra sem sóttu um stöðuna. Málið er í ferli.
Tengdar fréttir Tíu sóttu um starf þjóðleikhússtjóra Skipað er í stöðuna til fimm ára og mun sá útvaldi hefja störf þann 1. janúar næstkomandi. 3. september 2014 16:02 Krísa innan Þjóðleikhússins Upp er komin flókin og erfið staða innan Þjóðleikhússins vegna hugsanlegra hagsmunatengsla Tinnu Gunnlaugsdóttur Þjóðleikhússtjóra en til stendur að hún taki að sér tvö hlutverk á sviðinu þar innan tíðar. 11. október 2014 07:00 Mest lesið „Algjörlega alveg út í hött“ Innlent Umferðin færist inn á íbúðagötur Innlent Skipar Ísraelum að hætta að sprengja Erlent Diddy í fimmtíu mánaða fangelsisvist Erlent Andar sem eru ekki hér en voru í myndinni þeir sveima og fylgjast með Innlent Vann á öllum deildum leikskólans Innlent „Af hverju ertu svona í framan?“ Innlent Nýsestur á skrifstofunni þegar hann fékk bíl í flasið Innlent Dugar ekki lengur að dorga og nú þurfi að kasta út neti Innlent Hamasliðar tilbúnir að sleppa gíslum og láta völd af hendi Erlent Fleiri fréttir Göngu- og hjólabrýr yfir Elliðaár opnast „Af hverju ertu svona í framan?“ „Algjörlega alveg út í hött“ Umferðin færist inn á íbúðagötur Andar sem eru ekki hér en voru í myndinni þeir sveima og fylgjast með Dugar ekki lengur að dorga og nú þurfi að kasta út neti Vann á öllum deildum leikskólans Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Sjá meira
Tíu sóttu um starf þjóðleikhússtjóra Skipað er í stöðuna til fimm ára og mun sá útvaldi hefja störf þann 1. janúar næstkomandi. 3. september 2014 16:02
Krísa innan Þjóðleikhússins Upp er komin flókin og erfið staða innan Þjóðleikhússins vegna hugsanlegra hagsmunatengsla Tinnu Gunnlaugsdóttur Þjóðleikhússtjóra en til stendur að hún taki að sér tvö hlutverk á sviðinu þar innan tíðar. 11. október 2014 07:00