Kærastinn þarf að fara smíða nýjan verðlaunaskáp Óskar Ófeigur Jónsson skrifar 3. febrúar 2014 08:00 Kolbeinn Höður Gunnarsson og Hafdís Sigurðardóttir unnu alls átta einstaklingsgreinar á MÍ um helgina. Hafdís vann fimm gull og Kolbeinn Höður þrjú en þau unnu bæði öll spretthlaupin. Vísir/Daníel „Ég er rosalega ánægð með þetta, sagði Hafdís Sigurðardóttir, fimmfaldur Íslandsmeistari á Meistaramóti Íslands í frjálsum íþróttum innanhúss, en hún vann ekki aðeins fimm einstaklingsgreinar í fyrsta sinn heldur bætti hún sig í öllum greinunum fimm. Hafdís þurfti að hafa mikið fyrir því að keppa í öllum þessum greinum sem fóru nokkrar fram á sama tíma. „Tímasetningin hentar kannski ekki alltaf fyrir svona margar greinar en þetta gekk upp. Ég er samt svolítið þreytt núna,“ viðurkennir Hafdís en hún tók þátt í alls sjö greinum um helgina. „Langstökkið var toppurinn,“ segir Hafdís en hún bætti ellefu ára Íslandsmet Sunnu Gestsdóttur um tólf sentimetra þegar hún stökk 6,40 metra á laugardaginn. „Ég var í smá brasi með að láta þetta smella í byrjun. Ég gerði ógilt í næstsíðasta stökkinu og ég sá að það var yfir metinu. Ég var þá frekar pirruð að það hefði verið ógilt. Svo negldi ég á þetta í síðasta stökki,“ segir Hafdís og þetta var stór stund. Hafdís hefur nú tekið bæði Íslandsmetin í langstökki af Sunnu Gestsdóttur en útimetið féll síðasta sumar. Stökkið um helgina er þó það lengsta í söguninni, innanhúss og utanhúss. „Ég er búin að dreyma lengi um þessi met. Það er ótrúlega ánægjuleg tilfinning að eiga þetta núna bara sjálf og vita það að það hefur engin kona á Íslandi stokkið lengra en ég. Þetta er rosalega gott,“ segir Hafdís. Hafdís náði ekki aðeins í gullin í greinunum fimm. „Ég bætti mig í öllum greinum og tvíbætti mig bæði í 60 metra hlaupi og í 200 metra hlaupi. Ég bætti mig líka í 400 metrunum og í þrístökkinu. Það er bara ótrúlegt að þetta geti allt gerst um sömu helgi,“ segir Hafdís ánægð. Bikarkeppnin er næst á dagskrá hjá henni en hún verður 15. febrúar. „Við fundum ekki alvöru mót um næstu helgi. Ég held að ég fari bara í sveitina og skelli mér kannski á eitt þorrablót til að kúpla mig aðeins út úr þessu. Ég held að ég sé búin að vinna mér inn smá frí og ætla að njóta lífsins um næstu helgi,“ segir Hafdís í léttum tón.Hafdís getur ekki keppt í öllum fimm greinum í bikarkeppninni því það eru bara tvær greinar á mann plús boðhlaup. „Ég þarf að velja vel. Mig langar að taka 60 metra hlaupið því mig langar að reyna við Íslandsmetið þar,“ segir Hafdís. Hún hljóp á 7,58 sekúndum í úrslitahlaupinu um helgina og var aðeins fjórum hundraðshlutum frá Íslandsmeti Geirlaugar Geirlaugsdóttur frá 1996. „Eftir hlaupið núna um helgina þá er alveg raunhæft að ná því meti ef ég hitti á gott hlaup. Það er gott að hafa Hrafnhild með sér til að keppa við,“ sagði Hafdís en hún hafði betur en Hrafnhild Eir Hermóðsdóttir í tveimur æsispennandi hlaupum. Hafdís hefur sankað að sér verðlaunum í frjálsum en hvað gerir hún við alla verðlaunapeningana og bikarana? „Verðlaunaskápurinn heima er fullur en ég á nú smið sem kærasta og hann er búinn að hanna nýjan skáp fyrir mig. Það á bara eftir að hrinda því í framkvæmd. Vonandi fer hann bara að smella sér í að gera það því að það eru bikarar og verðlaun út um alla íbúð,“ segir Hafdís í léttum tón. „Ég er búin að vera lengi í þessu og þetta gerist ekki á einni nóttu. Það þarf þrautseigju og þor í þetta og svona tekur tíma eins og allt annað. Þetta er bara vinna sem ég fæ ekki borgað fyrir nema í gleði og ánægju.“ Frjálsar íþróttir Mest lesið Mál Kristófers enn til skoðunar og fleiri komin á borð KKÍ Körfubolti Gaf öllum liðsfélögunum iPhone til að sleppa við að syngja Sport Vildu fagna endalaust með Frey: „Þetta lið hættir aldrei að heilla“ Fótbolti Seldu bleika búninginn hennar Herrem fyrir meira en milljón Handbolti Handtökur í NBA: Lak upplýsingum um meiðsli James og bað um bita af kökunni Körfubolti Stjarna Manchester City hætti næstum því í fótbolta Enski boltinn Daníel: Ég fór í smá ævintýra starfsemi Körfubolti Mo Salah fjarlægði nafn Liverpool af miðlum sínum Enski boltinn Missir af Ólympíuleikunum á heimavelli eftir slys á æfingu Sport „Slakasti leikur okkar síðan ég tók við liðinu“ Sport Fleiri fréttir Benítez orðinn stjóri Sverris og sprengir launaskalann Ætla stelpurnar okkar með flugi eða á fleka á HM í Brasilíu? Handtökur í NBA: Lak upplýsingum um meiðsli James og bað um bita af kökunni Mál Kristófers enn til skoðunar og fleiri komin á borð KKÍ Vildu fagna endalaust með Frey: „Þetta lið hættir aldrei að heilla“ Seldu bleika búninginn hennar Herrem fyrir meira en milljón Stjarna Manchester City hætti næstum því í fótbolta Dagskráin: Körfuboltakvöld, Formúla 1, World Series og enski boltinn Gaf öllum liðsfélögunum iPhone til að sleppa við að syngja Uppgjörið: Ármann-Keflavík 94-107 | Öruggt hjá Keflvíkingum Daníel: Ég fór í smá ævintýra starfsemi Missir af Ólympíuleikunum á heimavelli eftir slys á æfingu Uppgjörið: Þór Þ. - Valur 117-119 | Vals sigur eftir tvær framlengingar „Leið vel þegar ég fór inn úr færinu“ „Slakasti leikur okkar síðan ég tók við liðinu“ Sambandsdeildin | Logi í sigurliði og Crystal Palace lá á heimavelli Þurfti að hlaupa lengra en frá Reykjavík til Þórshafnar til að vinna HM í bakgarði Uppgjörið: Njarðvík-Tindastóll 98-90 | Njarðvíkingar skelltu Stólunum Evrópudeildin | Elías hélt hreinu í Evrópudeildinni „Vonandi verður allt á uppleið úr þessu“ Átti sumar engu öðru líkt „Ég held að bæði lið séu ekkert himinlifandi með sína frammistöðu“ Uppgjörið FH - Haukar 27-26 | Birgir Már tryggði FH sigur eftir spennutrylli Uppgjörið: Grindavík-KR 78-77 | Arnór Tristan með sigurkörfuna Bernard fór mikinn en Valsmenn sluppu með sigurinn Fyrsti sigur Þórsara síðan í byrjun september Ómar Ingi með fullkomnan leik í Meistaradeildinni „Svekktir að hafa ekki landað sigri“ „Mér bara brást bogalistin“ Guðjón Valur og lærisveinar hársbreidd frá því að vinna Kiel Sjá meira
„Ég er rosalega ánægð með þetta, sagði Hafdís Sigurðardóttir, fimmfaldur Íslandsmeistari á Meistaramóti Íslands í frjálsum íþróttum innanhúss, en hún vann ekki aðeins fimm einstaklingsgreinar í fyrsta sinn heldur bætti hún sig í öllum greinunum fimm. Hafdís þurfti að hafa mikið fyrir því að keppa í öllum þessum greinum sem fóru nokkrar fram á sama tíma. „Tímasetningin hentar kannski ekki alltaf fyrir svona margar greinar en þetta gekk upp. Ég er samt svolítið þreytt núna,“ viðurkennir Hafdís en hún tók þátt í alls sjö greinum um helgina. „Langstökkið var toppurinn,“ segir Hafdís en hún bætti ellefu ára Íslandsmet Sunnu Gestsdóttur um tólf sentimetra þegar hún stökk 6,40 metra á laugardaginn. „Ég var í smá brasi með að láta þetta smella í byrjun. Ég gerði ógilt í næstsíðasta stökkinu og ég sá að það var yfir metinu. Ég var þá frekar pirruð að það hefði verið ógilt. Svo negldi ég á þetta í síðasta stökki,“ segir Hafdís og þetta var stór stund. Hafdís hefur nú tekið bæði Íslandsmetin í langstökki af Sunnu Gestsdóttur en útimetið féll síðasta sumar. Stökkið um helgina er þó það lengsta í söguninni, innanhúss og utanhúss. „Ég er búin að dreyma lengi um þessi met. Það er ótrúlega ánægjuleg tilfinning að eiga þetta núna bara sjálf og vita það að það hefur engin kona á Íslandi stokkið lengra en ég. Þetta er rosalega gott,“ segir Hafdís. Hafdís náði ekki aðeins í gullin í greinunum fimm. „Ég bætti mig í öllum greinum og tvíbætti mig bæði í 60 metra hlaupi og í 200 metra hlaupi. Ég bætti mig líka í 400 metrunum og í þrístökkinu. Það er bara ótrúlegt að þetta geti allt gerst um sömu helgi,“ segir Hafdís ánægð. Bikarkeppnin er næst á dagskrá hjá henni en hún verður 15. febrúar. „Við fundum ekki alvöru mót um næstu helgi. Ég held að ég fari bara í sveitina og skelli mér kannski á eitt þorrablót til að kúpla mig aðeins út úr þessu. Ég held að ég sé búin að vinna mér inn smá frí og ætla að njóta lífsins um næstu helgi,“ segir Hafdís í léttum tón.Hafdís getur ekki keppt í öllum fimm greinum í bikarkeppninni því það eru bara tvær greinar á mann plús boðhlaup. „Ég þarf að velja vel. Mig langar að taka 60 metra hlaupið því mig langar að reyna við Íslandsmetið þar,“ segir Hafdís. Hún hljóp á 7,58 sekúndum í úrslitahlaupinu um helgina og var aðeins fjórum hundraðshlutum frá Íslandsmeti Geirlaugar Geirlaugsdóttur frá 1996. „Eftir hlaupið núna um helgina þá er alveg raunhæft að ná því meti ef ég hitti á gott hlaup. Það er gott að hafa Hrafnhild með sér til að keppa við,“ sagði Hafdís en hún hafði betur en Hrafnhild Eir Hermóðsdóttir í tveimur æsispennandi hlaupum. Hafdís hefur sankað að sér verðlaunum í frjálsum en hvað gerir hún við alla verðlaunapeningana og bikarana? „Verðlaunaskápurinn heima er fullur en ég á nú smið sem kærasta og hann er búinn að hanna nýjan skáp fyrir mig. Það á bara eftir að hrinda því í framkvæmd. Vonandi fer hann bara að smella sér í að gera það því að það eru bikarar og verðlaun út um alla íbúð,“ segir Hafdís í léttum tón. „Ég er búin að vera lengi í þessu og þetta gerist ekki á einni nóttu. Það þarf þrautseigju og þor í þetta og svona tekur tíma eins og allt annað. Þetta er bara vinna sem ég fæ ekki borgað fyrir nema í gleði og ánægju.“
Frjálsar íþróttir Mest lesið Mál Kristófers enn til skoðunar og fleiri komin á borð KKÍ Körfubolti Gaf öllum liðsfélögunum iPhone til að sleppa við að syngja Sport Vildu fagna endalaust með Frey: „Þetta lið hættir aldrei að heilla“ Fótbolti Seldu bleika búninginn hennar Herrem fyrir meira en milljón Handbolti Handtökur í NBA: Lak upplýsingum um meiðsli James og bað um bita af kökunni Körfubolti Stjarna Manchester City hætti næstum því í fótbolta Enski boltinn Daníel: Ég fór í smá ævintýra starfsemi Körfubolti Mo Salah fjarlægði nafn Liverpool af miðlum sínum Enski boltinn Missir af Ólympíuleikunum á heimavelli eftir slys á æfingu Sport „Slakasti leikur okkar síðan ég tók við liðinu“ Sport Fleiri fréttir Benítez orðinn stjóri Sverris og sprengir launaskalann Ætla stelpurnar okkar með flugi eða á fleka á HM í Brasilíu? Handtökur í NBA: Lak upplýsingum um meiðsli James og bað um bita af kökunni Mál Kristófers enn til skoðunar og fleiri komin á borð KKÍ Vildu fagna endalaust með Frey: „Þetta lið hættir aldrei að heilla“ Seldu bleika búninginn hennar Herrem fyrir meira en milljón Stjarna Manchester City hætti næstum því í fótbolta Dagskráin: Körfuboltakvöld, Formúla 1, World Series og enski boltinn Gaf öllum liðsfélögunum iPhone til að sleppa við að syngja Uppgjörið: Ármann-Keflavík 94-107 | Öruggt hjá Keflvíkingum Daníel: Ég fór í smá ævintýra starfsemi Missir af Ólympíuleikunum á heimavelli eftir slys á æfingu Uppgjörið: Þór Þ. - Valur 117-119 | Vals sigur eftir tvær framlengingar „Leið vel þegar ég fór inn úr færinu“ „Slakasti leikur okkar síðan ég tók við liðinu“ Sambandsdeildin | Logi í sigurliði og Crystal Palace lá á heimavelli Þurfti að hlaupa lengra en frá Reykjavík til Þórshafnar til að vinna HM í bakgarði Uppgjörið: Njarðvík-Tindastóll 98-90 | Njarðvíkingar skelltu Stólunum Evrópudeildin | Elías hélt hreinu í Evrópudeildinni „Vonandi verður allt á uppleið úr þessu“ Átti sumar engu öðru líkt „Ég held að bæði lið séu ekkert himinlifandi með sína frammistöðu“ Uppgjörið FH - Haukar 27-26 | Birgir Már tryggði FH sigur eftir spennutrylli Uppgjörið: Grindavík-KR 78-77 | Arnór Tristan með sigurkörfuna Bernard fór mikinn en Valsmenn sluppu með sigurinn Fyrsti sigur Þórsara síðan í byrjun september Ómar Ingi með fullkomnan leik í Meistaradeildinni „Svekktir að hafa ekki landað sigri“ „Mér bara brást bogalistin“ Guðjón Valur og lærisveinar hársbreidd frá því að vinna Kiel Sjá meira