Erlent

Sérsveitarmenn ráðast inn í hús í leit að bræðrunum

Atli Ísleifsson skrifar
Mikill viðbúnaðar eru víða í Frakklandi. Hæsta viðbúnaðarstig er í París og Picardie.
Mikill viðbúnaðar eru víða í Frakklandi. Hæsta viðbúnaðarstig er í París og Picardie. Vísir/AFP
Fjölmenn lögregluaðgerð stendur nú yfir á svæðinu milli Villers-Cotterets og Crépy-en-Valois norður af París. Franska sjónvarpsstöðin France 3 Picardie greinir frá þessu og hafa yfirvöld í Oise-héraði staðfest fréttirnar. 

Um 20 lögreglumenn frá sérsveit lögreglunnar, þungvopnaðir og með grímur, hafa umkringt hús í grennd við Corcy, í Cillers-Cotterets, að sögn AFP. Samkvæmt sömu frétt eru sérsveitarmennirnir komnir inn í húsið og hafa fyrirskipað fjölmiðlamönnum að halda sig í fjarlgæð. Svipaðar aðgerðir hafa átt sér stað í öðrum þorpum og hverfum á svæðinu.

Helstu vendingar í málinu má sjá í punktunum hér fyrir neðan. Nánari umfjöllun um málið er svo fyrir neðan þá. 

  • Tveggja manna er leitað vegna árásarinnar sem gerð var á ritstjórnarskrifstofu Charlie Hebdo í gær. Tólf voru drepnir í árásinni, þar af tveir lögreglumenn og átta starfsmenn blaðsins.
  • Árasármennirnir tveir sem grunaðir eru um verknaðinn eru bræðurnir Chérif og Said Houachi. Í gær var þriðja mannsins leitað en hann gaf sig fram um þegar hann var eftirlýstur.
  • Alls taka taka 88.150 lögreglumenn þátt í öryggisaðgerðum í Frakklandi, þar af 9.650 í París.
  • Fjölmenn lögregluaðgerð stendur nú yfir á svæðinu milli Villers-Cotterets og Crépy-en-Valois norður af París. Talið er að aðgerðin tengist leitinni að mönnunum tveimur.
  • Búið er að færa viðbúnað á hæsta stig norður af svæðinu þar sem síðast sást til mannanna sem er leitað. Hæsta viðbúnaðarstig hefur verið í París frá árásinni.
  • Franska lögreglan staðfestir að farið sé með rannsókn málsins sem hryðjuverk.
  • Staðfest er að næsta tölublað af Charlie Hebdo komi út á áætluðum útgáfudegi. Blaðið verður prentað í milljón eintökum. Venjulega er blaðið gefið út í tæplega 50 þúsund eintökum.
  • Franski miðillinn Libération hefur boðið starfsmönnum Charlie Hebdo að nota húsnæði sitt við útgáfu næsta tölublaðs. Libération bauð Charlie Hebdo einni afnot af húsnæði sínu þegar ráðist var á skrifstofur tímaritsins árið 2011.
  • Breska leyniþjónustan MI5 hefur boðið fram aðstoð sína við leit að árásarmönnunum. Viðbúnaðarstig í Bretlandi hefur verið hækkað í kringum landamærastöðvar; flugvelli og hafnir. 
Fyrr í dag bárust fréttir af því að bræðurnir hafi rænt bensínstöð nálægt Villers-Cotterets í Aisne-héraði.Vísir/AFP
Viðbúnaðarstig hækkað

Fullvíst er talið að aðgerðin tengist leitinni að bræðrunum Chérif og Said Houachi sem eru grunaðir um að hafa ráðist inn á ritstjórnarskrifstofur Charlie Hebdo í gærmorgun og myrt tólf manns og sært ellefu.

Búið er að færa viðbúnað á hæsta stig norður af svæðinu þar sem síðast sást til mannanna sem er leitað.

Fyrr í dag bárust fréttir af því að bræðurnir hafi rænt bensínstöð nálægt Villers-Cotterets í Aisne-héraði. Mennirnir voru hettuklæddir og óku um á Renault Clio. Í aftursætinu hafi svo sést nokkur vopn.

Hluti vegarins hefur verið lokaður og á Twitter má sjá að fjöldi lögreglumanna sé að finna í bænum Vauciennes. Þyrlur lögreglunnar sveima einnig um svæðið.

Rannsaka málið sem hryðjuverk

Franskir fjölmiðlar að bíl bræðranna hafi líklegast fundist. Í honum hafi fundist molotov-kokteilar og fánar tengdum íslömskum hryðjuverkasamtökum.

Frönsk lögregla hefur staðfest að formlega sé nú farið með mál árásarinnar á ritstjórnarskrifstofu Charlie Hebdo sem hryðjuverk.

Að sögn Le Figaro er nú leitað á svæði sem er 15 sinnum 20 kílómetra stórt.

Mikill viðbúnaðar eru víða í Frakklandi. Hæsta viðbúnaðarstig er í París og Picardie.Vísir/AFP
Kalla eftir samstöðu

Francois Hollande Frakklandsforseti átti fund með Nicolas Sarkozy, fyrrverandi forseta, í forsetahöllinni í París í morgun. Að sögn var fundurinn stuttur og sneri að öryggismálum og einingu þjóðarinnar

„Siðmenntað fólk, hverrar trúar sem þeir eru, þurfa að standa saman gegn barbarisma og ofstæki,“ sagði Sarkozy eftir fundinn.

Ljósin á Eiffelturninum verða slökkt klukkan átta í kvöld að staðartíma í Frakklandi. Anne Hidalgo, borgarstjóri í París, sagði frá því í viðtali á franskri útvarpsstöð. Boðað hefur verið til samstöðufundar á Place de la Republique torginu klukkan sex. 

Blaðið kemur út

Lögmaður Charlie Hebdo hefur staðfest að blaðið verður gefið út á tilsettum tíma í næstu viku. Blaðið verður prentað í milljón eintökum en venjulegt upplag er tæplega 50 þúsund eintök. 

Franskir fjölmiðlar hafa boðið fram aðstoð við að tryggja útgáfu blaðsins.

Útvarpsstöð á vegum hryðjuverkasamtakanna Íslamska ríkið hafa fagnað árásinni á Charlie Hebdo. Talað er um árásarmennina sem hetjur.

Síðast uppfært klukkan 16.41

Charlie Hebdo

Tengdar fréttir

Mest lesið


Fleiri fréttir

Sjá meira


×

Mest lesið