Dagur í viðtali við Gaupa: Spenntur að sjá íslenska liðið Óskar Ófeigur Jónsson skrifar 2. janúar 2015 15:34 Dagur Sigurðsson og Aron Kristjánsson ræða málin á fundinum í dag. Vísir/Valli Guðjón Guðmundsson, íþróttafréttamaður á 365, hitti Dag Sigurðsson, þjálfara þýska handboltalandsliðsins, á blaðamannafundi í dag en á fundinum var farið yfir tvo æfingaleiki Íslands og Þýskalands sem verða á sunnudag og mánudag. Dagur Sigurðsson segir það mikla áskorun að þjálfa þýska landsliðið. Hann er meðvitaður um þær kröfur sem eru gerðar til hans og liðsins. „Ég hugsaði þetta bara þannig að ég gæti alveg gert þetta eins og hver annar. Þegar allt á botninn hvolft þá er þetta bara venjulegt handboltalið með sextán strákum sem maður reynir að fá til þess að spila betri handbolta en því er ekki að neita að það er svolítið mikill sirkus í kringum umgjörðina," segir Dagur. Heiner Brand, fyrrum þjálfari þýska landsliðsins vildi Þjóðverja í starfið og gamla settið í Þýskalandi var á sömu skoðun. Hefur það truflað Dag? „Nei, ég held að það hafi verið gert mikið úr því í fjölmiðlum en það er ekkert óeðlilegt að slík umræða komi upp. Hún myndi líka koma upp hér á Íslandi ef að við værum að ráða landsliðsþjálfara og erlendir þjálfarar kæmu til greina í þá stöðu. Þá myndi einhver telja að við ættum nóg af góðum þjálfurum. Þjóðverjar eiga fullt af fínum þjálfurum og því ekkert óeðlilegt að slík umræða hafi komið upp," sagði Dagur. „Það er mikil hefð fyrir handboltanum í Þýskalandi og það er stutt síðan síðasti heimsmeistaratitill kom í hús árið 2007. Þeir sváfu svolítið á verðinum eftir það og núna er mitt starf að reyna að yngja liðið upp og koma því aftur á rétt braut. Ég geri mér þó grein fyrir því að ég verð alltaf dæmdur af þeim úrslitum sem koma og það strax í þessari heimsmeistarakeppni í Katar," sagði Dagur. Dagur hefur misst sterka leikmenn í meiðsli í aðdraganda HM í Katar. „Það eru einhverjir meiddir en það er eins og gengur og gerist hjá flestum liðum," segir Dagur og vill ekki gera mikið úr forföllunum. En hverju á Dagur von á frá þýska landsliðinu á heimsmeistaramótinu? „Ég er að vona að við verðum ágætlega stabílir og að það verði ekki miklar sveiflur í leiknum hjá okkur. Það væri minn draumur. Vonandi náum við að sýna góðan varnarleik og fáum góða markvörslu. Við höfum góða hraðaupphlaupsmenn en kannski verðum við að einhverjum vandræðum með sóknarleikinn," segir Dagur. „Við erum í mjög sterkum riðli og Íslendingar líka. Umspilsleikirnir verða því líka erfiðir ef við komust þangað. Þetta er svolítið púsluspil eins og hjá íslenska liðinu," segir Dagur. Framundan eru tveir leikir á móti Íslandi í Laugardalshöllinni á sunnudag og mánudag. „Ég er spenntur að sjá mína menn og Íslendingana líka. Við erum með nokkra nýja leikmenn sem ég ætla að sjá hvernig koma út. Við komum því til með að prófa einhverja hluti," segir Dagur. „Við höfum spilað fjóra góða leiki síðan að ég tók við liðinu og við viljum reyna að halda því sem vel gekk þar og kannski bæta einhverju inn," segir Dagur. Hverja telur Dagur möguleika íslenska landsliðsins vera á HM í Katar? „Ísland á ágætis möguleika í þessum riðli. Í okkar riðli eru líka Danir og Pólverjar og umspilsleikirnir verða mjög erfiðir ef þú ert í þriðja eða fjórða sæti. Sama gildir okkar megin. Það gæti orðið mjög strembið," segir Dagur og á þar við leikinn í sextán liða úrslitunum. „Fyrsta verkefnið er að koma liðinu í gegnum riðilinn og koma liðinu í keppnisgír. Það getur gerst á svona mótum að liðin detti í gírinn," segir Dagur. En hvað með langtímamarkmið hans með þýska landsliðið? „Heimsmeistarakeppnin er haldin í Þýskalandi og Danmörku 2019. Okkar markmið er að vera með mjög sterkt lið á HM 2019 og á Ólympíuleikunum 2020 þegar leikarnir verða í Tókýó. Ég veit það samt að þetta er þjálfarastarf sem ég er í og reyni því ekki að horfa alltof langt fram á veginn," segir Dagur brosandi. Hefði hann einhvern tímann geta séð það fyrir að hann væri kominn í þetta starf? „Ég verð að viðurkenna það að það var ekki í kortunum að verða þjálfari þýska handboltalandsliðsins en það er samt mjög gaman að því," sagði Dagur að lokum. Það er hægt að sjá allt viðtal Guðjóns Guðmundssonar við Dag hér fyrir neðan. HM 2015 í Katar Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Tyson segist ekki berjast vegna peninganna Sport Arftaki Kristjáns óvænt hættur Handbolti Viðurkennir að hafa sleppt því að spjalda Messi til að fá treyjuna hans Fótbolti Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira
Guðjón Guðmundsson, íþróttafréttamaður á 365, hitti Dag Sigurðsson, þjálfara þýska handboltalandsliðsins, á blaðamannafundi í dag en á fundinum var farið yfir tvo æfingaleiki Íslands og Þýskalands sem verða á sunnudag og mánudag. Dagur Sigurðsson segir það mikla áskorun að þjálfa þýska landsliðið. Hann er meðvitaður um þær kröfur sem eru gerðar til hans og liðsins. „Ég hugsaði þetta bara þannig að ég gæti alveg gert þetta eins og hver annar. Þegar allt á botninn hvolft þá er þetta bara venjulegt handboltalið með sextán strákum sem maður reynir að fá til þess að spila betri handbolta en því er ekki að neita að það er svolítið mikill sirkus í kringum umgjörðina," segir Dagur. Heiner Brand, fyrrum þjálfari þýska landsliðsins vildi Þjóðverja í starfið og gamla settið í Þýskalandi var á sömu skoðun. Hefur það truflað Dag? „Nei, ég held að það hafi verið gert mikið úr því í fjölmiðlum en það er ekkert óeðlilegt að slík umræða komi upp. Hún myndi líka koma upp hér á Íslandi ef að við værum að ráða landsliðsþjálfara og erlendir þjálfarar kæmu til greina í þá stöðu. Þá myndi einhver telja að við ættum nóg af góðum þjálfurum. Þjóðverjar eiga fullt af fínum þjálfurum og því ekkert óeðlilegt að slík umræða hafi komið upp," sagði Dagur. „Það er mikil hefð fyrir handboltanum í Þýskalandi og það er stutt síðan síðasti heimsmeistaratitill kom í hús árið 2007. Þeir sváfu svolítið á verðinum eftir það og núna er mitt starf að reyna að yngja liðið upp og koma því aftur á rétt braut. Ég geri mér þó grein fyrir því að ég verð alltaf dæmdur af þeim úrslitum sem koma og það strax í þessari heimsmeistarakeppni í Katar," sagði Dagur. Dagur hefur misst sterka leikmenn í meiðsli í aðdraganda HM í Katar. „Það eru einhverjir meiddir en það er eins og gengur og gerist hjá flestum liðum," segir Dagur og vill ekki gera mikið úr forföllunum. En hverju á Dagur von á frá þýska landsliðinu á heimsmeistaramótinu? „Ég er að vona að við verðum ágætlega stabílir og að það verði ekki miklar sveiflur í leiknum hjá okkur. Það væri minn draumur. Vonandi náum við að sýna góðan varnarleik og fáum góða markvörslu. Við höfum góða hraðaupphlaupsmenn en kannski verðum við að einhverjum vandræðum með sóknarleikinn," segir Dagur. „Við erum í mjög sterkum riðli og Íslendingar líka. Umspilsleikirnir verða því líka erfiðir ef við komust þangað. Þetta er svolítið púsluspil eins og hjá íslenska liðinu," segir Dagur. Framundan eru tveir leikir á móti Íslandi í Laugardalshöllinni á sunnudag og mánudag. „Ég er spenntur að sjá mína menn og Íslendingana líka. Við erum með nokkra nýja leikmenn sem ég ætla að sjá hvernig koma út. Við komum því til með að prófa einhverja hluti," segir Dagur. „Við höfum spilað fjóra góða leiki síðan að ég tók við liðinu og við viljum reyna að halda því sem vel gekk þar og kannski bæta einhverju inn," segir Dagur. Hverja telur Dagur möguleika íslenska landsliðsins vera á HM í Katar? „Ísland á ágætis möguleika í þessum riðli. Í okkar riðli eru líka Danir og Pólverjar og umspilsleikirnir verða mjög erfiðir ef þú ert í þriðja eða fjórða sæti. Sama gildir okkar megin. Það gæti orðið mjög strembið," segir Dagur og á þar við leikinn í sextán liða úrslitunum. „Fyrsta verkefnið er að koma liðinu í gegnum riðilinn og koma liðinu í keppnisgír. Það getur gerst á svona mótum að liðin detti í gírinn," segir Dagur. En hvað með langtímamarkmið hans með þýska landsliðið? „Heimsmeistarakeppnin er haldin í Þýskalandi og Danmörku 2019. Okkar markmið er að vera með mjög sterkt lið á HM 2019 og á Ólympíuleikunum 2020 þegar leikarnir verða í Tókýó. Ég veit það samt að þetta er þjálfarastarf sem ég er í og reyni því ekki að horfa alltof langt fram á veginn," segir Dagur brosandi. Hefði hann einhvern tímann geta séð það fyrir að hann væri kominn í þetta starf? „Ég verð að viðurkenna það að það var ekki í kortunum að verða þjálfari þýska handboltalandsliðsins en það er samt mjög gaman að því," sagði Dagur að lokum. Það er hægt að sjá allt viðtal Guðjóns Guðmundssonar við Dag hér fyrir neðan.
HM 2015 í Katar Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Tyson segist ekki berjast vegna peninganna Sport Arftaki Kristjáns óvænt hættur Handbolti Viðurkennir að hafa sleppt því að spjalda Messi til að fá treyjuna hans Fótbolti Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira