Einar Rifill og dætur sóttar heim | Myndband

Einar Guðlaugsson, eða Rifilinn eins og hann er oft kallaður, er einn helsti stuðningsmaður íslenska landsliðsins í handbolta en hann hefur fylgt því á mörg stórmót. Dætur hans, Guðlaug og Margrét, hafa verið með í för síðustu ár en Valtýr Björn Valtýsson hitti feðginin að máli áður en þau héldu til Katar til að fylgjast með Heimsmeistaramótinu þar í landi.

Aðspurður hvort hann sé stuðningsmaður Íslands númer eitt segir Einar: „Stelpurnar segja að ég sé númer þrjú, þær vilja meina að ég kalli ekki orðið nóg. Þær vilja vera númer eitt og tvö.“

Valtýr spurði feðginin einnig um uppáhalds leikmenn þeirra í landsliðinu. Einar sagði varnarjaxlana vera sína menn, en Björgvin Páll Gústavsson, Aron Pálmarsson og Guðjón Valur Sigurðsson eru í uppáhaldi hjá Guðlaugu. Margrét heldur heldur hins vegar mest upp á Arnór Þór Gunnarsson og Björgvin.

Innslagið í heild sinni má sjá hér að neðan en óhætt er að mæla með lokakafla þess.