Létt yfir strákunum á æfingu | Myndir

Íslenska landsliðið æfði  í hinni stórglæsilegu Lusail-keppnishöll nú síðdegis en strákarnir eru að undirbúa sig fyrir leik gegn Alsír á HM í handbolta hér í Doha í Katar.

Strákarnir máttu þola slæmt tap gegn Svíum í gærkvöldi en það var ekki að sjá að þeir hefðu dvalið lengi við það. Það var afar létt yfir þeim á æfingunni, eins og sjá má á þessum stórskemmtilegu myndum sem Eva Björk Ægisdóttir tók.

Leikurinn við Alsír hefst klukkan 16.00 á morgun og verður í beinni textalýsingu á Vísi.