Luka Karabatic, yngri bróðir Nikola Karabatic, spilar mikilvægt hlutverk í vörn franska liðsins og hann var viss um að jafnteflið á móti Íslandi í riðlakeppninni hafi hjálpað liðinu í framhaldinu. Ísland var eina liðið sem nýkrýndir heimsmeistarar unnu ekki á HM í Katar.
„Við hefðum getað tapað þeim leik. Ísland á eitt besta handboltalið í Evrópu og það er alltaf erfitt að vinna íslenska liðið. Ég man að við töpuðum fyrir þeim á Ólympíuleikum. Ég held að það hafi jafnvel verið gott að við unnum ekki þennan leik gegn Íslandi [í riðlinum] og mikilvægt augnablik. Eftir hann spiluðum við betur á mótinu," sagði Luka Karabatic í viðtali við Arnar Björnsson efir úrslitaleikinn í gær.
Það er hægt að sjá allt viðtalið við Luka Karabatic hér fyrir ofan en hér fyrir neðan má sjá hvernig Íslandsleikurinn er sér á báti meðal leikja franska liðsins á heimsmeistaramótinu.
Úrslit leikja Frakka á HM í Katar 2015:
Riðlakeppnin:
30-27 sigur á Tékklandi [+3]
28-24 sigur á Egyptalandi [+3]
26-26 jafntefli við Ísland [0]
32-26 sigur á Alsír [+6]
27-25 sigur á Svíþjóð [+2]
16 liða úrslit
33-20 sigur á Argentínu [+13]
8 liða úrslit
32-23 sigur á Slóveníu [+9]
Undanúrslit
26-22 sigur á Spáni [+4]
Úrslitaleikur
25-22 sigur á Katar [+3]
Ísland var eina liðið sem heimsmeistararnir unnu ekki í Katar
Tengdar fréttir

Umfjöllun: Katar - Frakkland 22-25 | Frakkar heimsmeistarar í handbolta
Draumur heimamanna í Katar um glæstan sigur í HM á heimavelli varð að engu í dag.

Gajić markakóngur HM í Katar | Heimamenn með tvo á topp 5
Slóveninn Dragan Gajić varð markakóngur HM 2015 í Katar.

Omeyer valinn besti leikmaðurinn á HM
Thierry Omeyer, markvörður nýkrýndra heimsmeistara Frakka, var í kvöld valinn besti leikmaðurinn á heimsmeistaramótinu í Katar en það var sérstök valnefnd á vegum IHF sem valdi liðið.

Omeyer: Síðustu fjórir leikirnir voru þeir bestu hjá okkur
Thierry Omeyer varð í dag heimsmeistari í fjórða sinn.