HK í kjörstöðu að tryggja sér Íslandsmeistaratitilinn

HK getur tryggt sér Íslandsmeistaratitilinn í blaki á miðvikudag, en liðið er 2-0 yfir í rimmu sinni gegn Stjörnunni í sjálfu úrslitaeinvíginu.

Fyrsti leikur liðanna fór fram í Ásgarði á sunnudag og þar fór HK með sigur af hólmi. Þeir unnu fyrstu hrinuna 25-18, þá næstu 25-23 og sú þriðja og síðasta fór 25-20.

Andris Orlovs skoraði 14 stig fyrir HK og var stigahæstur, en Fannar Grétarsson gerðu þrettán stig. Róbert Hlöðversson gerði 13 stig fyrir Stjörnuna, en Kristófer Proppé sjö.

Næsti leikur liðanna fer fram í Fagralundi á miðvikudag og þá getur HK tryggt sér titilinn með sigri.