Umfjöllun og viðtöl: ÍBV-Afturelding 21-22 | Íslandsmeistararnir í sumarfrí Guðmundur Tómas Sigfússon skrifar 10. apríl 2015 14:59 Vísir/Ernir Afturelding sópaði Íslands- og bikarmeisturum ÍBV úr leik í Eyjum í kvöld. Lokatölur voru 21-22 en leikurinn var frábær skemmtun. Varnir liðanna voru mjög góðar eins og sést vel á lokatölunum. Sindri Haraldsson hafði ekki jafnað sig af meiðslum sínum og var því fjarri góðu gamni í dag, aðrir leikmenn Eyjamanna spiluðu leikinn. Þeir eru þó ekki allir heilir þar sem Agnar Smári Jónsson og Magnús Stefánsson voru að spila í gegnum meiðsli. Hjá Aftureldingu eru allir menn klárir eins og það hefur verið stóran hluta tímabilsins. Þeir spiluðu frábæra vörn gegn Eyjamönnum sem virtust ekki eiga mikið um svör. Þeim tókst að loka vel á Agnar Smára og veiddu Eyjamenn oft í að taka erfiðar ákvarðanir. Vörn Eyjamanna var alls ekki slæm en flest ef ekki öll fráköstin eftir vörslur Kolbeins Arons Arnarsonar, besta leikmanns Eyjamanna, enduðu hjá Aftureldingu. Þá fengu þeir oft annan séns eftir mislukkuð skot. Eyjamenn byrjuðu leikinn frábærlega, fyrstu tíu mínútur leiksins voru þær bestu hjá liðinu á leiktíðinni. Þeir voru 5-0 yfir og virtust gestirnir ekki vera að átta sig á hlutunum. Einar Andri Einarsson tók þá leikhlé sem virkaði frábærlega. Hann messaði yfir sínum mönnum sem virtust loksins átta sig á því að þeir þyrftu að hafa fyrir hlutunum í dag. Jafnt og þétt minnkaði forskot Eyjamanna sem varð loks að engu þegar að Árni Bragi Eyjólfsson jafnaði metin í 9-9. Einar Sverrisson vaknaði til lífsins undir lok hálfleiksins og skoraði tvö mörk. Eyjamenn höfðu því eins marks forskot í hálfleik. Eyjamenn höfðu tögl og haldir í fyrri hálfleiknum og voru gestirnir heppnir að vera aðeins einu marki undir. Kolbeinn Aron byrjaði seinni hálfleikinn eins og þann fyrri, en hann varði fyrstu þrjú skot gestanna. Lítið var skorað í upphafi síðari hálfleiks en þegar tíu mínútur voru liðnar af honum komust þeir yfir í fyrsta skiptið í leiknum. Á næstu mínútum virtist allt fara inn en það nýttu Mosfellingar sér. Þeir skoruðu hvert markið á fætur öðru þegar vörn Eyjamanna var sem slökust. Þeir komust þremur mörkum yfir þegar korter var eftir af leiknum. Eyjamenn náðu að jafna leikinn en eftir það komust gestirnir aftur tveimur mörkum yfir. Þá var komin upp sama staða og í leiknum í Mosfellsbæ, gestirnir tveimur mörkum yfir og innan við mínúta eftir. Andri Heimir Friðriksson minnkaði þá muninn í eitt mark og gestirnir því með boltann, einu marki yfir, með leikhlé. Ólíkt frá síðasta leik tókst gestunum að láta tímann renna út, þó að tæpara mætti það varla standa. Örn Ingi Bjarkason virtist hafa misst boltann beint í hendurnar á Guðna Ingvarssyni, en náði þó að bjarga sér ótrúlega fyrir horn. Afturelding fór með boltann út í horn og tókst þeim að eyða síðustu tíu sekúndum þar, vel spilað hjá þeim. Þetta er þriðja árið í röð þar sem ríkjandi Íslandsmeistarar vinna ekki sigur í úrslitakeppninni. Afturelding mætir annað hvort ÍR-ingum eða Akureyri í undanúrslitaeinvíginu. Fyrir tímabilið höfðu ekki margir trú á Mosfellingum en þeir sýndu það strax í byrjun deildarinnar hvers megnugir þeir eru.Einar Andri Einarsson: Erfiðasta mögulega verkefnið „Ég er virkilega stoltur af strákunum í kvöld. Þetta var sennilega erfiðasta verkefnið sem við gátum fengið, handboltalega hér á Íslandi, að koma hér í úrslitakeppninni,“ sagði Einar Andri Einarsson, þjálfari nýliða Aftureldingar, eftir ótrúlegan sigur hér í kvöld. „Það sýnir mikinn þroska hjá strákunum að ná að klára þetta. Gríðarlegur vilji og bárátta skóp sigurinn,“ sagði Einar en það var á brattann að sækja fyrir hans menn í upphafi leiks. „Þeir slógu okkur út af laginu í byrjun leiks en við vorum algjörlega á hælunum í hátt í fimmtán mínútur. Þegar við náðum takti í þetta litum við betur út.“ „Mér fannst við vera sterkari aðilinn frá fimmtándu mínútu. Við náðum að rúlla liðinu aðeins í fyrri hálfleik og áttum því aukakraft í lokin.“ Gestirnir skoruðu ekki á fyrstu tíu mínútunum en komu þó á ótrúlegan hátt til baka. „Það var gríðarleg stemning á pöllunum og Kolbeinn varði fyrstu sex skotin, sum þeirra voru góð en önnur léleg. Þegar við tókum leikhlé fór ég yfir það með strákunum að við værum að fá færi. Ef að hann ætlaði að fara að verja 80-90% þá hefði þetta alltaf orðið erfitt.“ „Við bjuggumst þó við því að skotin færu inn á endanum eins og þau hafa gert í allan vetur.“ „Þetta eru spennandi lið, frábær lið sem eru vel mönnuð, vel skipulögð og með góða þjálfara. Við erum bara spenntir og sáttir að sleppa við oddaleikinn, við getum þá hvílt okkur fram á næsta fimmtudag,“ sagði Einar Andri um mótherja sína í undanúrslitunum, ÍR-inga eða Akureyringa.Gunnar Magnússon: Hefur verið ótrúlegt ævintýri „Þetta er eitthvað sem við þekkjum ekki hérna, að verða fyrir þessum vonbrigðum. Þetta er svekkjandi, að tapa í framlengingu á dramatískan hátt í fyrri leiknum og núna með einu marki,“ sagði Gunnar Magnússon, þjálfari Eyjamanna, en liðinu hans var sópað úr úrslitakeppninni. „Munurinn á liðunum á endanum er sá að þeir kláruðu sína síðustu sókn hér í lokin, en við gerðum það ekki í Mosfellsbænum.“ „Ég vil óska Aftureldingu til hamingju, þetta er frábært lið sem Einar er búinn að byggja upp. Þeir eru komnir í gegnum okkur og geta farið alla leið. Þeir sýndu mikinn karakter en auðvitað er ég hundsvekktur.“ „Það er ótrúlega stutt á milli í þessu, þetta er svona stöngin inn eða stöngin út. Við töpum núna 2-0 en ótrúlega jafnir leikir og stutt á milli. Mér fannst við missa þá fram úr okkur í seinni hálfleik, þegar við lentum manni undir.“ Eyjamenn byrjuðu frábærlega í leiknum eins og áður segir en þeir leiddu með fimm mörkum eftir tíu mínútna leik. „Þetta var svipað, síðast byrjuðu þeir vel en nú byrjum við vel. Þeir voru lengi í gang en svo byrja þeir leikinn og koma sterkari til baka.“ „Þeirra lykilmenn stíga upp og þá verður þetta erfiðara. Þetta eru ótrúlega jöfn lið og það er stutt á milli í þessu. Erfitt að benda á einhverja hluti núna en það eru nokkur smáatriði hér og þar sem skera á milli.“ Gunnar hættir með liðið að tímabili loknu en hvað tekur við hjá honum? „Það verður að koma í ljós, ég fer núna að klára þau mál. Þetta hefur verið ótrúlegt ævintýri hér í Eyjum, þetta er eitthvað sem maður átti ekki von á. Ég þekkti einn leikmann og vissi ekki út í hvað ég var að fara.“ „Menn höfðu sagt mér að það þyrfti að styrkja mikið, við fengum tvo útlendinga og Robba (Róbert Aron Hostert) sem styrkti liðið mikið. Við sendum útlendingana til baka og Robbi fór í fyrra.“ „Ég verð að fá að segja eitt um þessa drengi, þetta er ótrúlegur hópur, það eru þvílík forréttindi að fá að vinna með þessum mönnum. Það eru fjórir leikmenn inni á vellinum sem hafa ekki æft í mánuð, þeir hafa ekki getað æft vegna kvala.“ „Menn eins og Sindri (Haraldsson) og fleiri sem hafa ekki sofið heilu næturnar til þess að fórna sér fyrir liðið. Ég er ótrúlega stoltur af þeirra framlagi og það sem þeir lögðu í þetta af lífi og sál.“ „Ég á eftir að sakna þessara drengja og ég er heppinn að hafa fengið að koma hingað og vinna með þeim,“ eru lokaorð Gunnars eftir síðasta leik hans með ÍBV. Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Sögulegur dagur er Thelma sópaði til sín gullverðlaunum Sport Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Afturelding sópaði Íslands- og bikarmeisturum ÍBV úr leik í Eyjum í kvöld. Lokatölur voru 21-22 en leikurinn var frábær skemmtun. Varnir liðanna voru mjög góðar eins og sést vel á lokatölunum. Sindri Haraldsson hafði ekki jafnað sig af meiðslum sínum og var því fjarri góðu gamni í dag, aðrir leikmenn Eyjamanna spiluðu leikinn. Þeir eru þó ekki allir heilir þar sem Agnar Smári Jónsson og Magnús Stefánsson voru að spila í gegnum meiðsli. Hjá Aftureldingu eru allir menn klárir eins og það hefur verið stóran hluta tímabilsins. Þeir spiluðu frábæra vörn gegn Eyjamönnum sem virtust ekki eiga mikið um svör. Þeim tókst að loka vel á Agnar Smára og veiddu Eyjamenn oft í að taka erfiðar ákvarðanir. Vörn Eyjamanna var alls ekki slæm en flest ef ekki öll fráköstin eftir vörslur Kolbeins Arons Arnarsonar, besta leikmanns Eyjamanna, enduðu hjá Aftureldingu. Þá fengu þeir oft annan séns eftir mislukkuð skot. Eyjamenn byrjuðu leikinn frábærlega, fyrstu tíu mínútur leiksins voru þær bestu hjá liðinu á leiktíðinni. Þeir voru 5-0 yfir og virtust gestirnir ekki vera að átta sig á hlutunum. Einar Andri Einarsson tók þá leikhlé sem virkaði frábærlega. Hann messaði yfir sínum mönnum sem virtust loksins átta sig á því að þeir þyrftu að hafa fyrir hlutunum í dag. Jafnt og þétt minnkaði forskot Eyjamanna sem varð loks að engu þegar að Árni Bragi Eyjólfsson jafnaði metin í 9-9. Einar Sverrisson vaknaði til lífsins undir lok hálfleiksins og skoraði tvö mörk. Eyjamenn höfðu því eins marks forskot í hálfleik. Eyjamenn höfðu tögl og haldir í fyrri hálfleiknum og voru gestirnir heppnir að vera aðeins einu marki undir. Kolbeinn Aron byrjaði seinni hálfleikinn eins og þann fyrri, en hann varði fyrstu þrjú skot gestanna. Lítið var skorað í upphafi síðari hálfleiks en þegar tíu mínútur voru liðnar af honum komust þeir yfir í fyrsta skiptið í leiknum. Á næstu mínútum virtist allt fara inn en það nýttu Mosfellingar sér. Þeir skoruðu hvert markið á fætur öðru þegar vörn Eyjamanna var sem slökust. Þeir komust þremur mörkum yfir þegar korter var eftir af leiknum. Eyjamenn náðu að jafna leikinn en eftir það komust gestirnir aftur tveimur mörkum yfir. Þá var komin upp sama staða og í leiknum í Mosfellsbæ, gestirnir tveimur mörkum yfir og innan við mínúta eftir. Andri Heimir Friðriksson minnkaði þá muninn í eitt mark og gestirnir því með boltann, einu marki yfir, með leikhlé. Ólíkt frá síðasta leik tókst gestunum að láta tímann renna út, þó að tæpara mætti það varla standa. Örn Ingi Bjarkason virtist hafa misst boltann beint í hendurnar á Guðna Ingvarssyni, en náði þó að bjarga sér ótrúlega fyrir horn. Afturelding fór með boltann út í horn og tókst þeim að eyða síðustu tíu sekúndum þar, vel spilað hjá þeim. Þetta er þriðja árið í röð þar sem ríkjandi Íslandsmeistarar vinna ekki sigur í úrslitakeppninni. Afturelding mætir annað hvort ÍR-ingum eða Akureyri í undanúrslitaeinvíginu. Fyrir tímabilið höfðu ekki margir trú á Mosfellingum en þeir sýndu það strax í byrjun deildarinnar hvers megnugir þeir eru.Einar Andri Einarsson: Erfiðasta mögulega verkefnið „Ég er virkilega stoltur af strákunum í kvöld. Þetta var sennilega erfiðasta verkefnið sem við gátum fengið, handboltalega hér á Íslandi, að koma hér í úrslitakeppninni,“ sagði Einar Andri Einarsson, þjálfari nýliða Aftureldingar, eftir ótrúlegan sigur hér í kvöld. „Það sýnir mikinn þroska hjá strákunum að ná að klára þetta. Gríðarlegur vilji og bárátta skóp sigurinn,“ sagði Einar en það var á brattann að sækja fyrir hans menn í upphafi leiks. „Þeir slógu okkur út af laginu í byrjun leiks en við vorum algjörlega á hælunum í hátt í fimmtán mínútur. Þegar við náðum takti í þetta litum við betur út.“ „Mér fannst við vera sterkari aðilinn frá fimmtándu mínútu. Við náðum að rúlla liðinu aðeins í fyrri hálfleik og áttum því aukakraft í lokin.“ Gestirnir skoruðu ekki á fyrstu tíu mínútunum en komu þó á ótrúlegan hátt til baka. „Það var gríðarleg stemning á pöllunum og Kolbeinn varði fyrstu sex skotin, sum þeirra voru góð en önnur léleg. Þegar við tókum leikhlé fór ég yfir það með strákunum að við værum að fá færi. Ef að hann ætlaði að fara að verja 80-90% þá hefði þetta alltaf orðið erfitt.“ „Við bjuggumst þó við því að skotin færu inn á endanum eins og þau hafa gert í allan vetur.“ „Þetta eru spennandi lið, frábær lið sem eru vel mönnuð, vel skipulögð og með góða þjálfara. Við erum bara spenntir og sáttir að sleppa við oddaleikinn, við getum þá hvílt okkur fram á næsta fimmtudag,“ sagði Einar Andri um mótherja sína í undanúrslitunum, ÍR-inga eða Akureyringa.Gunnar Magnússon: Hefur verið ótrúlegt ævintýri „Þetta er eitthvað sem við þekkjum ekki hérna, að verða fyrir þessum vonbrigðum. Þetta er svekkjandi, að tapa í framlengingu á dramatískan hátt í fyrri leiknum og núna með einu marki,“ sagði Gunnar Magnússon, þjálfari Eyjamanna, en liðinu hans var sópað úr úrslitakeppninni. „Munurinn á liðunum á endanum er sá að þeir kláruðu sína síðustu sókn hér í lokin, en við gerðum það ekki í Mosfellsbænum.“ „Ég vil óska Aftureldingu til hamingju, þetta er frábært lið sem Einar er búinn að byggja upp. Þeir eru komnir í gegnum okkur og geta farið alla leið. Þeir sýndu mikinn karakter en auðvitað er ég hundsvekktur.“ „Það er ótrúlega stutt á milli í þessu, þetta er svona stöngin inn eða stöngin út. Við töpum núna 2-0 en ótrúlega jafnir leikir og stutt á milli. Mér fannst við missa þá fram úr okkur í seinni hálfleik, þegar við lentum manni undir.“ Eyjamenn byrjuðu frábærlega í leiknum eins og áður segir en þeir leiddu með fimm mörkum eftir tíu mínútna leik. „Þetta var svipað, síðast byrjuðu þeir vel en nú byrjum við vel. Þeir voru lengi í gang en svo byrja þeir leikinn og koma sterkari til baka.“ „Þeirra lykilmenn stíga upp og þá verður þetta erfiðara. Þetta eru ótrúlega jöfn lið og það er stutt á milli í þessu. Erfitt að benda á einhverja hluti núna en það eru nokkur smáatriði hér og þar sem skera á milli.“ Gunnar hættir með liðið að tímabili loknu en hvað tekur við hjá honum? „Það verður að koma í ljós, ég fer núna að klára þau mál. Þetta hefur verið ótrúlegt ævintýri hér í Eyjum, þetta er eitthvað sem maður átti ekki von á. Ég þekkti einn leikmann og vissi ekki út í hvað ég var að fara.“ „Menn höfðu sagt mér að það þyrfti að styrkja mikið, við fengum tvo útlendinga og Robba (Róbert Aron Hostert) sem styrkti liðið mikið. Við sendum útlendingana til baka og Robbi fór í fyrra.“ „Ég verð að fá að segja eitt um þessa drengi, þetta er ótrúlegur hópur, það eru þvílík forréttindi að fá að vinna með þessum mönnum. Það eru fjórir leikmenn inni á vellinum sem hafa ekki æft í mánuð, þeir hafa ekki getað æft vegna kvala.“ „Menn eins og Sindri (Haraldsson) og fleiri sem hafa ekki sofið heilu næturnar til þess að fórna sér fyrir liðið. Ég er ótrúlega stoltur af þeirra framlagi og það sem þeir lögðu í þetta af lífi og sál.“ „Ég á eftir að sakna þessara drengja og ég er heppinn að hafa fengið að koma hingað og vinna með þeim,“ eru lokaorð Gunnars eftir síðasta leik hans með ÍBV.
Olís-deild karla Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Sögulegur dagur er Thelma sópaði til sín gullverðlaunum Sport Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira