Umfjöllun, viðtöl og einkunnir: FH - Leiknir 4-2 | Nýliðarnir gáfu FH leik í Kaplakrika Árni Jóhannsson í Kaplakrika skrifar 31. maí 2015 18:30 Bjarni Þór Viðarsson hefur verið í byrjunarliði FH í síðustu þremur leikjum liðsins. vísir/stefán FH náði að sigla í höfn tveggja marka sigri á ferskum nýliðum Leiknis í Kaplakrika í kvöld. Leikurinn endaði 4-2 og skoraði Steven Lennon þrjú mörk fyrir FH og var maður leiksins. Leiknir getur verið stoltur en þeir veittu FH leik í kvöld. Leiknismenn voru ívið meira með boltann fyrstu mínútur leiksins en heimamenn komust yfir með marki Steven Lennon á 6. mínútu leiksins og það kom eiginlega upp úr engu. Boltanum var sparkað fram völlinn þar sem Atli Viðar skallaði boltann niður á nafna sinn Guðnason sem sendi hann á Lennon sem setti boltann yfir markvörð gestanna úr þröngu færi. Vel útfærð sókn. Það tók gestina 13 mínútur að jafan metin en Atli Arnarson átti skot í stöng FH-inga og var boltanum síðan komið aftur fyrir endamörk. Hornspyrnuna tók Hilmar Árni Halldórsson og hitti hann pönnuna á fyrirliða sínum Ólafi Hrannari Kristjánssyni sem stýrði boltanum í net heimamanna. Leikurinn var orðinn mjög fjörugur eftir rólegar upphafsmínútur og til að mynda björguðu heimamenn á línu frá Halldóri Halldórssyni sem náði skoti á markið eftir atgang í teig heimamanna. FH-ingar eru gott fótboltalið og sýndu þeir það mínútu eftir að hafa bjargað því þeir komust yfir og þar með refsuðu þeir gestunum fyrir að nýta ekki færi sem þeir fengu. Aftur var Lennon á ferðinni en markið var skondið. Hann hafði dottið á rassinn í teignum en náði valdi á boltanum og setti hann yfir sig í mark gestanna. Leikurinn róaðist þá aftur seinasta korterið og gerðist fátt markvert. Lennon hótaði því samt að setja þriðja mark sitt en hann átti tvö góð færi til þess. Heimamenn byrjuðu ögn betur í seinni hálfleik og strax þegar fjórar mínútur voru liðnar þá var FH búið að eiga tvö færi í sömu sókn og voru þar á ferðinni Atli Guðnason og Steven Lennon. Þeir nýttu færin hinsvegar ekki og því enn 2-1. Leikurinn var í rólegri kantinum alveg þangað til á 66. mínútu þegar Atli Guðnason tvöfaldaði forskot heimamanna eftir að Steven Lennon, sem var besti maður vallarins, hafði sent hann einn í gegn. Þarna hélt blaðamaður að leiknum væri lokið og að FH-ingar myndu sigla stigunum þremur örugglega í höfn. Annað átti þó eftir að koma á daginn. Fimm mínútum síðar eða á 71. mínútu skoraði Hilmar Árni Halldórsson mark en Kristján Páll Jónsson hafði gefið stoðsendingu á hann eftir að varnarmaður FH hafði gefið slæma sendingu sem hafnaði í fótum Kristjáns. Hilmar gerði vel í klára færið og var þetta því aftur orðinn leikur. Gestirnir reyndu að pressa á heimamenn en áttu í erfiðleikum með að opna FH-inga og skapa sér góð færi en mikill hugur var í Leiknismönnum. FH-ingar náðu að verjast sóknarlotum þeirra ágætlega og halda sér þannig í forystu. Steven Lennon skoraði síðan sitt þriðja mark og það fjórða hjá FH-ingum þegar 93 mínútur voru komnar á klukkuna. Hann hafði fiskað vítið sjálfur og kláraði það sjálfur og var hann vel að því kominn enda búinn að eiga flottan leik og hefði getað verið búinn að klára þrennuna í fyrri hálfleik. FH-ingar sýndu svokallaða meistaratakta í leiknum í kvöld, það er að segja, þeir spiluðu ekki vel en náðu að klára færin sín og þannig leikinn. Leiknismenn geta síðan gengið stoltir frá borði enda sýndu þeir að þeir eiga erindi í deild hinna bestu hér í kvöld.Freyr Alexandersson: Margt mjög jákvætt hjá okkur Þjálfari Leiknis sagði að sínir menn hefðu getað verið kaldari í sínum aðgerðum þá sérstaklega í lok leiks en þá hefðu þeir getað fengið meira út úr leiknum á móti FH heldur en núll stig. Hann var engu að síður ánægður með sína menn. „Við erum komnir til að vera það er alveg á hreinu, við sýnum FH-ingum virðingu að því leytinu til að við undirbjuggum okkur mjög vel fyrir leikinn. FH er eitt af þremur bestu liðum deildarinnar og með frábært þjálfarateymi sem búið er að vera hér lengi. Þetta var samt ekki niðurstaðan sem við ætluðum okkur í dag.“ Freyr var spurður hvort stigasöfnun framan af móti væri á pari við væntingarnar sem Leiknismenn höfðu sett fyrir mót. „Við erum tveimur stigum frá þeim væntingum sem við höfðum sett fyrir mót í stigasöfnun. Við erum síðan með önnur markmið varðandi fleiri hluti, þeir skoruðu fjögur mörk á okkur í dag og þar af leiðandi töpum við einu markmiði þar. Við ætluðum okkur fleiri stig en erum nálægt því og erum að spila vel líka og búnir að komast yfir smá skakkaföll. Það er því margt mjög jákvætt hjá okkur.“Heimir Guðjónsson: Spiluðum ekki vel en sýndum þrautseigju „Mér fannst við ekki spila neitt sérstaklega í þessum leik, við sýndum hinsvegar ákveðna þrautseigju og náðum að landa þessum stigum“, voru fyrstu viðbrögð þjálfara FH eftir sigur sinna manna í kvöld. Hann var spurður út í þessa þrautseigju og eiginleika liðsinsa að refsa öðrum liðum ef þau nýta ekki færin sín. „Mér fannst þeir vera hættulegir í föstum leikatriðum sem við höfðum þó undirbúið okkur undir. Það gekk samt ekki nógu vel fannst mér. Við erum með gott lið með leikmenn sem geta refsað liðum. Eins og Steven Lennon sem er frábær fótboltamaður, hann var búinn að skora eitt mark og bætti í sarpinn í dag og það vonandi hjálpar honum í framhaldinu.“ Pepsi Max-deild karla Mest lesið Kemur til varnar Arnari bróður sínum: „Nú er nóg komið“ Sport Sjáðu þegar stelpurnar hittu Höllu forseta Fótbolti Slot um Jota: Vinur allra og átti draumasumar sem gerir þetta enn sorglegra Enski boltinn Rauða pandan í NBA útskrifuð af sjúkrahúsi Körfubolti Yfirlýsing Ármanns vegna brottvísunar Arnars Péturs: Hann stytti sér leið Sport Vilja dæma handboltamann í fimm ára bann Handbolti Halldór: „Þetta er kannski lægsta orku-level sem ég hef séð hjá liðinu í sumar“ Íslenski boltinn Uppgjörið: Afturelding-Breiðablik 2-2 | Meisturum Blika fataðist flugið Íslenski boltinn Allt sem við vitum um banaslys Diogo Jota Enski boltinn Helgi Magg hættir í Körfuboltakvöldi og semur við Grindavík Körfubolti Fleiri fréttir Halldór: „Þetta er kannski lægsta orku-level sem ég hef séð hjá liðinu í sumar“ Njarðvíkingar flugu á toppinn með stórsigri í Grindavík Uppgjörið: Afturelding-Breiðablik 2-2 | Meisturum Blika fataðist flugið Þróttarar breyttu tapi í sigur með tveimur mörkum í lokin Fær tveggja leikja bann fyrir hártogið Varð fullorðinn úti „Reisn“ yfir ákvörðun Jóns Daða sem gaf stórliðunum langt nef „Eitt það versta sem ég hef séð síðustu ár“ „Tilhugsunin um að spila fyrir annað félag sat bara ekki rétt í mér“ Jón Daði skrifar undir hjá Selfossi Ætla skrefinu lengra: „Menn muna þá tilfinningu vel“ Skellihlegið í Stúkunni: Svipuð nærvera og þegar Bjössi hitti Karabatic í Lindex Stúkan: Átti annað mark ÍA að standa og hver skoraði? Sjáðu tvennur Eiðs og Nikolaj, aukaspyrnu Kjartans og öll hin mörkin Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Uppgjörið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Hverju breytir Lárus Orri hjá Skagaliðinu? Þrenna á föstudagskvöldi og háskólagráða á laugardegi Fyrsti sigur Fylkismanna í fimmtíu daga Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Sjá meira
FH náði að sigla í höfn tveggja marka sigri á ferskum nýliðum Leiknis í Kaplakrika í kvöld. Leikurinn endaði 4-2 og skoraði Steven Lennon þrjú mörk fyrir FH og var maður leiksins. Leiknir getur verið stoltur en þeir veittu FH leik í kvöld. Leiknismenn voru ívið meira með boltann fyrstu mínútur leiksins en heimamenn komust yfir með marki Steven Lennon á 6. mínútu leiksins og það kom eiginlega upp úr engu. Boltanum var sparkað fram völlinn þar sem Atli Viðar skallaði boltann niður á nafna sinn Guðnason sem sendi hann á Lennon sem setti boltann yfir markvörð gestanna úr þröngu færi. Vel útfærð sókn. Það tók gestina 13 mínútur að jafan metin en Atli Arnarson átti skot í stöng FH-inga og var boltanum síðan komið aftur fyrir endamörk. Hornspyrnuna tók Hilmar Árni Halldórsson og hitti hann pönnuna á fyrirliða sínum Ólafi Hrannari Kristjánssyni sem stýrði boltanum í net heimamanna. Leikurinn var orðinn mjög fjörugur eftir rólegar upphafsmínútur og til að mynda björguðu heimamenn á línu frá Halldóri Halldórssyni sem náði skoti á markið eftir atgang í teig heimamanna. FH-ingar eru gott fótboltalið og sýndu þeir það mínútu eftir að hafa bjargað því þeir komust yfir og þar með refsuðu þeir gestunum fyrir að nýta ekki færi sem þeir fengu. Aftur var Lennon á ferðinni en markið var skondið. Hann hafði dottið á rassinn í teignum en náði valdi á boltanum og setti hann yfir sig í mark gestanna. Leikurinn róaðist þá aftur seinasta korterið og gerðist fátt markvert. Lennon hótaði því samt að setja þriðja mark sitt en hann átti tvö góð færi til þess. Heimamenn byrjuðu ögn betur í seinni hálfleik og strax þegar fjórar mínútur voru liðnar þá var FH búið að eiga tvö færi í sömu sókn og voru þar á ferðinni Atli Guðnason og Steven Lennon. Þeir nýttu færin hinsvegar ekki og því enn 2-1. Leikurinn var í rólegri kantinum alveg þangað til á 66. mínútu þegar Atli Guðnason tvöfaldaði forskot heimamanna eftir að Steven Lennon, sem var besti maður vallarins, hafði sent hann einn í gegn. Þarna hélt blaðamaður að leiknum væri lokið og að FH-ingar myndu sigla stigunum þremur örugglega í höfn. Annað átti þó eftir að koma á daginn. Fimm mínútum síðar eða á 71. mínútu skoraði Hilmar Árni Halldórsson mark en Kristján Páll Jónsson hafði gefið stoðsendingu á hann eftir að varnarmaður FH hafði gefið slæma sendingu sem hafnaði í fótum Kristjáns. Hilmar gerði vel í klára færið og var þetta því aftur orðinn leikur. Gestirnir reyndu að pressa á heimamenn en áttu í erfiðleikum með að opna FH-inga og skapa sér góð færi en mikill hugur var í Leiknismönnum. FH-ingar náðu að verjast sóknarlotum þeirra ágætlega og halda sér þannig í forystu. Steven Lennon skoraði síðan sitt þriðja mark og það fjórða hjá FH-ingum þegar 93 mínútur voru komnar á klukkuna. Hann hafði fiskað vítið sjálfur og kláraði það sjálfur og var hann vel að því kominn enda búinn að eiga flottan leik og hefði getað verið búinn að klára þrennuna í fyrri hálfleik. FH-ingar sýndu svokallaða meistaratakta í leiknum í kvöld, það er að segja, þeir spiluðu ekki vel en náðu að klára færin sín og þannig leikinn. Leiknismenn geta síðan gengið stoltir frá borði enda sýndu þeir að þeir eiga erindi í deild hinna bestu hér í kvöld.Freyr Alexandersson: Margt mjög jákvætt hjá okkur Þjálfari Leiknis sagði að sínir menn hefðu getað verið kaldari í sínum aðgerðum þá sérstaklega í lok leiks en þá hefðu þeir getað fengið meira út úr leiknum á móti FH heldur en núll stig. Hann var engu að síður ánægður með sína menn. „Við erum komnir til að vera það er alveg á hreinu, við sýnum FH-ingum virðingu að því leytinu til að við undirbjuggum okkur mjög vel fyrir leikinn. FH er eitt af þremur bestu liðum deildarinnar og með frábært þjálfarateymi sem búið er að vera hér lengi. Þetta var samt ekki niðurstaðan sem við ætluðum okkur í dag.“ Freyr var spurður hvort stigasöfnun framan af móti væri á pari við væntingarnar sem Leiknismenn höfðu sett fyrir mót. „Við erum tveimur stigum frá þeim væntingum sem við höfðum sett fyrir mót í stigasöfnun. Við erum síðan með önnur markmið varðandi fleiri hluti, þeir skoruðu fjögur mörk á okkur í dag og þar af leiðandi töpum við einu markmiði þar. Við ætluðum okkur fleiri stig en erum nálægt því og erum að spila vel líka og búnir að komast yfir smá skakkaföll. Það er því margt mjög jákvætt hjá okkur.“Heimir Guðjónsson: Spiluðum ekki vel en sýndum þrautseigju „Mér fannst við ekki spila neitt sérstaklega í þessum leik, við sýndum hinsvegar ákveðna þrautseigju og náðum að landa þessum stigum“, voru fyrstu viðbrögð þjálfara FH eftir sigur sinna manna í kvöld. Hann var spurður út í þessa þrautseigju og eiginleika liðsinsa að refsa öðrum liðum ef þau nýta ekki færin sín. „Mér fannst þeir vera hættulegir í föstum leikatriðum sem við höfðum þó undirbúið okkur undir. Það gekk samt ekki nógu vel fannst mér. Við erum með gott lið með leikmenn sem geta refsað liðum. Eins og Steven Lennon sem er frábær fótboltamaður, hann var búinn að skora eitt mark og bætti í sarpinn í dag og það vonandi hjálpar honum í framhaldinu.“
Pepsi Max-deild karla Mest lesið Kemur til varnar Arnari bróður sínum: „Nú er nóg komið“ Sport Sjáðu þegar stelpurnar hittu Höllu forseta Fótbolti Slot um Jota: Vinur allra og átti draumasumar sem gerir þetta enn sorglegra Enski boltinn Rauða pandan í NBA útskrifuð af sjúkrahúsi Körfubolti Yfirlýsing Ármanns vegna brottvísunar Arnars Péturs: Hann stytti sér leið Sport Vilja dæma handboltamann í fimm ára bann Handbolti Halldór: „Þetta er kannski lægsta orku-level sem ég hef séð hjá liðinu í sumar“ Íslenski boltinn Uppgjörið: Afturelding-Breiðablik 2-2 | Meisturum Blika fataðist flugið Íslenski boltinn Allt sem við vitum um banaslys Diogo Jota Enski boltinn Helgi Magg hættir í Körfuboltakvöldi og semur við Grindavík Körfubolti Fleiri fréttir Halldór: „Þetta er kannski lægsta orku-level sem ég hef séð hjá liðinu í sumar“ Njarðvíkingar flugu á toppinn með stórsigri í Grindavík Uppgjörið: Afturelding-Breiðablik 2-2 | Meisturum Blika fataðist flugið Þróttarar breyttu tapi í sigur með tveimur mörkum í lokin Fær tveggja leikja bann fyrir hártogið Varð fullorðinn úti „Reisn“ yfir ákvörðun Jóns Daða sem gaf stórliðunum langt nef „Eitt það versta sem ég hef séð síðustu ár“ „Tilhugsunin um að spila fyrir annað félag sat bara ekki rétt í mér“ Jón Daði skrifar undir hjá Selfossi Ætla skrefinu lengra: „Menn muna þá tilfinningu vel“ Skellihlegið í Stúkunni: Svipuð nærvera og þegar Bjössi hitti Karabatic í Lindex Stúkan: Átti annað mark ÍA að standa og hver skoraði? Sjáðu tvennur Eiðs og Nikolaj, aukaspyrnu Kjartans og öll hin mörkin Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Uppgjörið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Hverju breytir Lárus Orri hjá Skagaliðinu? Þrenna á föstudagskvöldi og háskólagráða á laugardegi Fyrsti sigur Fylkismanna í fimmtíu daga Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Sjá meira