Ætlaði að hreinsa í horn en skoraði magnað sjálfsmark í staðinn | Myndband

Helén Eke, varnarmaður Hammarby í sænsku úrvalsdeildinni í fótbolta kvenna, skoraði afar skrautlegt sjálfsmark í leik Örebro á þriðjudaginn.

Leikurinn var ekki þriggja mínútna gamall þegar Eke negldi boltanum í eigið net þegar hún ætlaði að hreinsa í horn. Sjálfsmörkin gerast ekki öruggari en þetta.

Þetta var fyrsta mark leiksins, en Örebro, sem er í sjötta sæti deildarinnar, vann leikinn, 3-1. Hammarby er í ellefta sætinu, því næst neðsta, með þrettan stig.

Þetta skrautlega sjálfsmark má sjá hér að ofan.