Milan og Torino skildu jöfn | Roma með sigur

AC Milan varð af tveimur stigum þegar liðið gerði 1-1 jafntefli við Torino í 8. umferð ítölsku úrvalsdeildarinnar í kvöld.

Milan hefur aðeins fengið eitt stig í síðustu þremur leikjum en liðið er í 11. sæti deildarinnar með 10 stig.

Kólumbíski framherjinn Carlos Bacca kom Milan yfir á 63. mínútu, sjö mínútum eftir að hafa komið inn á sem varamaður.

Forysta Milan entist ekki nema í 10 mínútur því á 73. mínútu jafnaði Daniele Baselli metin og þar við sat.

Í fyrri leik dagsins vann Roma 3-1 sigur á Empoli. Miralem Pjanic, Daniel De Rossi og Mohamed Salah skoruðu mörkin.