Cuadrado hetjan í borgarslagnum í Tórínó

Kólumbíumaðurinn Juan Cuadrado, lánsmaður frá Chelsea, tryggði Juventus dýrmætan 2-1 sigur á Torino í borgarslag í ítölsku úrvalsdeildinni í fótbolta í dag.

Paul Pogba kom Juventus yfir á 19. mínútu en Cesare Bovo jafnaði metin á 51. mínútu.

Staðan var 1-1 fram á þriðju mínútu í uppbótartíma þegar Cuadrado renndi sér á fyrirgjöf Alex Sandro og tryggði Juventus stigin þrjú.

Með sigrinum komst Juventus upp að hlið Torino en bæði lið eru með 15 stig um miðja deild.