Rafmagn enn skammtað á Norðausturlandi

Rafmagn er enn skammtað á Raufarhöfn en búist er við að skömmtun þar ljúki upp úr hádegi. Þetta kemur fram í tilkynningu frá RARIK á Norðurlandi en viðgerðarflokkur frá Landsneti kom á svæðið í nótt og mun hefja vinnu við viðgerð á Kópaskerslínu nú fljótlega.

Þeir starfsmenn RARIK sem eru hvíldir munu hjálpa til og áhersla verður lögð á stæðuna sem er biluð rétt sunnan aðveitustöð við fiskeldi Silfurstjörnu, en þrjár aðrar stæður eru brotnar nær Kópaskeri. Búast má við að hálftíma straumleysi verði í Kelduhverfi í tvígang þegar spenna verður sett á línuna í áföngum. Nú er spenna á Kópaskerslínu að aðveitustöð við Lindarbrekku í Kelduhverfi.

Á sjöunda tímanum í morgun var lokið við að reisa átta stura í Öxarfirði og kom þá rafmagn á síðustu notendur sem höfðu verið án rafmagns sem hafði farið af klukkan 01:40 síðastliðna nótt.

Lokið var við að á Sléttu um kl. 04:00 og komst þar með rafmagn á Sléttu. Því miður þarf þó að skammta á milli Sléttu og hluta Kópaskers.