Rafmagn úti og víða skömmtun á Norðurlandi

Víða er enn rafmagnslaust á Norðurlandi og er rafmagni skammtað á nokkrum stöðum. 

Samkvæmt upplýsingum frá RARIK á Norðurlandi er staðan eftirfarandi: 

Ennþá er ekki búið að meta að fullu tjón í Blönduhlíð í Skagafirði, en tjónið er á um 7-10km kafla. Óljóst hvenær hægt er að koma rafmagni á bæi. 

Rafmagn er komið á Fellslínu norðan Blönduóss sem og í Laxárdal í Refasveit. Enn er straumlaust á Ystu Vík á Svalbarðsströnd. 

Viðgerð var frestað en verið er að útvega varaafl. Ennþá er rafmagnlaust í Kelduhverfi, Öxarfirði, og Sléttu frá því að Kópaskerslína sló út kl. 01:43. 

Frá sama tíma (kl. 01:43) er búið að vera að skammta rafmagn á Raufarhöfn. Skammta þurfti rafmagn á Bakkafirði um stund þegar komið var rafmagni á frystihúsið á Þórshöfn.