AC Milan gerði jafntefli í öðrum leiknum í röð þegar liðið tók á móti Verona í 16. umferð ítölsku úrvalsdeildarinnar í dag. Lokatölur 1-1.
Milan-menn eru í 7. sæti deildarinnar með 25 stig en Verona er enn án sigurs í botnsætinu. Emil Hallfreðsson lék ekki með Verona í dag vegna leikbanns.
Staðan var markalaus í hálfleik en á 52. mínútu kom kólumbíski framherjinn Carlos Bacca Milan yfir.
Fjórum mínútum síðar urðu heimamenn svo fyrir áfalli þegar Nigel de Jong fékk að líta rauða spjaldið fyrir brot innan vítateigs. Gamla brýnið Luca Toni fór á punktinn og skoraði sitt annað deildarmark í vetur og þar við sat.
Emilslausir Verona-menn náðu í stig á Giuseppe Meazza
Tengdar fréttir
Inter með fjögurra stiga forskot á toppnum
Inter náði fjögurra stiga forskoti á toppi ítölsku úrvalsdeildarinnar með öruggum 0-4 sigri á Udinese í kvöld.
