Leynivopnið úr eldhúsinu

Flestir sem hugsa um matarsóda láta sér detta fátt annað í hug en bakstur eða aðra matreiðslu.

Hann er þó einnig til annars nýtur og meðal annars sem frábært fegurðarráð.

Matarsódann er hægt að nota sem mildan kornamaska til dæmis fyrir hendur og fætur.

Kornamaski fyrir hendur

3 msk. matarsódi

1 msk. vatn

Blandaðu matarsódanum við vatnið og nuddaðu hendurnar, skolaðu með volgu vatni og berðu góðan handáburð á þær. Hendurnar verða silkimjúkar og frískar.

Frískir fætur

5 msk. matarsódi

vatn

Matarsódann er dásamlegt að nota í fótabaðið.

Settu tvær matskeiðar í volgt vatn og baðaðu fæturna upp úr því í 10-15 mínútur. Taktu afganginn af matarsódanum og blandaðu við matskeið af vatni og skrúbbaðu fæturna. Þerraðu svo á þér tærnar og berðu á þær góðan fótaáburð.

Það er algjör draumur að fara í þessa meðferð fyrir svefninn.