Í fótspor frænku tuttugu árum síðar Óskar Ófeigur Jónsson skrifar 12. ágúst 2015 06:30 Aníta á fullri ferð. vísir/getty Ísland hefur ekki átt langhlaupara á HM í frjálsum í tuttugu ár og það leit út fyrir að biðin lengdist enn þegar Aníta Hinriksdóttir náði ekki ströngum lágmörkum fyrir þátttökurétt í 800 metra hlaupi. Í gær kom hins vegar í ljós að íslenska hlaupadrottningin fær tækifæri til að feta í fótspor frænku sinnar, Mörtu Ernstsdóttur.Öðruvísi reglur fyrir þetta HM „Það voru öðruvísi reglur áður þegar það voru A- og B-lágmörk. Íslendingarnir voru oft að fara inn á stórmótin á B-lágmörkunum. Nú eru engin B-lágmörk lengur heldur stjórnar mótshaldarinn reglunum. Lágmarkið inn á HM núna er eiginlega eins og gömlu A-lágmörkin eða mjög strangt. Síðan fylla þeir upp í fjöldann með afrekum sem koma næst,“ segir Gunnar Páll Jóakimsson, þjálfari Anítu. Alþjóðasambandið staðfesti í gær að Aníta verði með keppenda á heimsmeistaramótinu sem hefst þann 20. ágúst í Peking í Kína. „Við vorum búin að fara á mót í Belgíu tvær helgar í röð og þar voru allir að miða við þessi lágmörk. Það vissu því margir eftir tvö síðustu mót að þeir væru mjög heitir,“ segir Gunnar Páll en Anítu vantaði aðeins fimmtán hundraðshluta upp á að ná lágmarkinu. „Við vissum í gær að það væri mjög líklegt að hún fengi að fara en það var ekki gefið endanlega út fyrr en í dag (í gær). Hún var svo ofboðslega nálægt lágmarkinu þannig að líkurnar voru talsverðar. Við erum mjög sátt með að hafa farið í þessi tvö hlaup gagngert til þess að reyna að ná lágmarkinu. Það borgaði sig,“ segir Gunnar.Fyrsta heimsmeistaramótið Aníta keppir nú á sínu fyrsta heimsmeistaramóti í fullorðinsflokki. „Þetta verður stærsta mótið sem hún hefur tekið þátt í og mér finnst þetta vera mjög mikilvægt. Hún komst í úrslit á EM innanhúss og var eini unglingurinn sem náði því. Hún komst síðan í undanúrslit á EM utanhúss í fyrra og er byrjuð að gera sig gildandi í fullorðinsflokknum. Það að komast inn á heimsmeistaramótið styrkir enn frekar stöðu hennar í undirbúningnum fyrir Ólympíuleikana. Þetta gæti líka hjálpað henni almennt í að skapa sér nafn til þess að komast inn á stærstu mótin. Það er mikil barátta um að komast inn á þau mót. Reynsla og annað hefur töluvert að segja í öllum greinum en ekki hvað síst í þessum greinum sem hún er að finna sig í enda að læra taktísk hlaup í hverju hlaupi,“ segir Gunnar Páll.Strákarnir ekki eins góðir Aníta og spjótkastarinn Ásdís Hjálmsdóttir verða einu íslensku keppendurnir á HM í ár. „Hulda Þorsteinsdóttir (stangarstökk) og Hafdís Sigurðardóttir (langstökk) eru næstar á eftir þeim Ásdísi og Anítu. Strákarnir hafa því ekki átt alveg eins gott ár og stelpurnar,“ segir Gunnar Páll. Hann býst við frábæru móti. „Þetta verður mikið ævintýri. Kínverjarnir kunna þetta frá Ólympíuleikunum og þetta verður örugglega mjög flott mót,“ segir Gunnar Páll að lokum.Stelpurnar reyna að ferðast saman Aníta Hinriksdóttir og Ásdís Hjálmsdóttir munu að öllum líkindum ferðast saman til Kína en þær eru einu íslensku keppendurnir á HM í frjálsum íþróttum í Peking. Ásdís hefur vitað það síðan í vor að hún væri að fara til Peking. „Þetta er frekar stuttur fyrirvari og nú er allt á fullu að reyna að fá vegabréfsáritun til Kína og skipuleggja ferðir. Við erum að vonast til þess að hún geti ferðast með Ásdísi frá Zürich þar sem Ásdís býr,“ segir Gunnar Páll Jóakimsson, þjálfari Anítu. „Ef hún kemst með Ásdísi þá fær hún nógu marga daga úti því fyrstu dagarnir fara bara í það að jafna sig, bæði á löngu ferðalagi og tímamismuninum. Við tökum aldrei mjög erfiðar æfingar þarna úti en við tökum enga alvöru æfingu fyrr en á þriðja, fjórða degi,“ segir Gunnar Páll. Komist Aníta út með Ásdísi líða sex dagar frá því að hún kemur til Peking þar til keppni í undanrásum 800 metra hlaupsins fer fram 26. ágúst næstkomandi Frjálsar íþróttir Mest lesið Fáránleg hegðun á Hlíðarenda: Plastglas í höfuð og miðfingur á loft Fótbolti Allt liðið gekk út á völl í Súperman búningum Fótbolti Bein útsending: Dagur eitt á heimsleikunum í CrossFit 2025 Sport Alfreð og fleiri jálkar með óvænt félagaskipti yfir í Augnablik Íslenski boltinn Er Liverpool að styrkja rangan enda vallarins? Enski boltinn Netverslun Liverpool hrundi vegna álags Enski boltinn Lýsir því hvernig Dahlmeier dó Sport Nýju leikmenn Liverpool komnir með númer Enski boltinn Gaf tannlækninum teinanna sína Fótbolti Liverpool tilbúið að hætta eltingaleiknum við Isak Enski boltinn Fleiri fréttir ÍBV fær liðsstyrk úr Laugardal Reynsluboltinn Coady til liðs við Hollywood-lið Wrexham Sigur í fyrsta leik hjá Jóhannesi Kristni Liverpool tilbúið að hætta eltingaleiknum við Isak Segir að þeim besta í heimi sé skítsama Má ekki æfa fyrr en hann léttir sig Álftanes bætir Bandaríkjamanni við hópinn Verstappen slekkur á öllum sögusögnunum Jóhannes ræddi ekki við Val: „Ef ég ætlaði að fara frá KR var það alltaf bara út“ Guðjón Valur orðaður við Kiel Bein útsending: Dagur eitt á heimsleikunum í CrossFit 2025 „Númer eitt, tvö og þrjú að knúsa þau sem mest“ Spilar með bestu frisbígolfspilurum heims Einvígið á Nesinu safnar í ár fyrir minningarsjóð Bryndísar Klöru Dönsk þrenna á Akureyri, dramatík í Víkinni og óheppni á Hlíðarenda Newcastle hafnar tilboði Liverpool Niko markahæstur og Gylfi stoðsendingahæstur í Sambandsdeildinni Jón Þór Evrópumeistari á nýju Íslandsmeti Fáránleg hegðun á Hlíðarenda: Plastglas í höfuð og miðfingur á loft Kristján hættur sem þjálfari Vals en Matthías verður áfram Sagðir vilja borga helminginn fyrir Isak í ár og hinn helminginn ári síðar Netverslun Liverpool hrundi vegna álags Gaf tannlækninum teinanna sína Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Missti ömmu sína á sama degi og hún vann EM Lýsir því hvernig Dahlmeier dó Er Liverpool að styrkja rangan enda vallarins? Paquetá hreinsaður af ásökunum um veðmálasvindl Nýju leikmenn Liverpool komnir með númer Sjá meira
Ísland hefur ekki átt langhlaupara á HM í frjálsum í tuttugu ár og það leit út fyrir að biðin lengdist enn þegar Aníta Hinriksdóttir náði ekki ströngum lágmörkum fyrir þátttökurétt í 800 metra hlaupi. Í gær kom hins vegar í ljós að íslenska hlaupadrottningin fær tækifæri til að feta í fótspor frænku sinnar, Mörtu Ernstsdóttur.Öðruvísi reglur fyrir þetta HM „Það voru öðruvísi reglur áður þegar það voru A- og B-lágmörk. Íslendingarnir voru oft að fara inn á stórmótin á B-lágmörkunum. Nú eru engin B-lágmörk lengur heldur stjórnar mótshaldarinn reglunum. Lágmarkið inn á HM núna er eiginlega eins og gömlu A-lágmörkin eða mjög strangt. Síðan fylla þeir upp í fjöldann með afrekum sem koma næst,“ segir Gunnar Páll Jóakimsson, þjálfari Anítu. Alþjóðasambandið staðfesti í gær að Aníta verði með keppenda á heimsmeistaramótinu sem hefst þann 20. ágúst í Peking í Kína. „Við vorum búin að fara á mót í Belgíu tvær helgar í röð og þar voru allir að miða við þessi lágmörk. Það vissu því margir eftir tvö síðustu mót að þeir væru mjög heitir,“ segir Gunnar Páll en Anítu vantaði aðeins fimmtán hundraðshluta upp á að ná lágmarkinu. „Við vissum í gær að það væri mjög líklegt að hún fengi að fara en það var ekki gefið endanlega út fyrr en í dag (í gær). Hún var svo ofboðslega nálægt lágmarkinu þannig að líkurnar voru talsverðar. Við erum mjög sátt með að hafa farið í þessi tvö hlaup gagngert til þess að reyna að ná lágmarkinu. Það borgaði sig,“ segir Gunnar.Fyrsta heimsmeistaramótið Aníta keppir nú á sínu fyrsta heimsmeistaramóti í fullorðinsflokki. „Þetta verður stærsta mótið sem hún hefur tekið þátt í og mér finnst þetta vera mjög mikilvægt. Hún komst í úrslit á EM innanhúss og var eini unglingurinn sem náði því. Hún komst síðan í undanúrslit á EM utanhúss í fyrra og er byrjuð að gera sig gildandi í fullorðinsflokknum. Það að komast inn á heimsmeistaramótið styrkir enn frekar stöðu hennar í undirbúningnum fyrir Ólympíuleikana. Þetta gæti líka hjálpað henni almennt í að skapa sér nafn til þess að komast inn á stærstu mótin. Það er mikil barátta um að komast inn á þau mót. Reynsla og annað hefur töluvert að segja í öllum greinum en ekki hvað síst í þessum greinum sem hún er að finna sig í enda að læra taktísk hlaup í hverju hlaupi,“ segir Gunnar Páll.Strákarnir ekki eins góðir Aníta og spjótkastarinn Ásdís Hjálmsdóttir verða einu íslensku keppendurnir á HM í ár. „Hulda Þorsteinsdóttir (stangarstökk) og Hafdís Sigurðardóttir (langstökk) eru næstar á eftir þeim Ásdísi og Anítu. Strákarnir hafa því ekki átt alveg eins gott ár og stelpurnar,“ segir Gunnar Páll. Hann býst við frábæru móti. „Þetta verður mikið ævintýri. Kínverjarnir kunna þetta frá Ólympíuleikunum og þetta verður örugglega mjög flott mót,“ segir Gunnar Páll að lokum.Stelpurnar reyna að ferðast saman Aníta Hinriksdóttir og Ásdís Hjálmsdóttir munu að öllum líkindum ferðast saman til Kína en þær eru einu íslensku keppendurnir á HM í frjálsum íþróttum í Peking. Ásdís hefur vitað það síðan í vor að hún væri að fara til Peking. „Þetta er frekar stuttur fyrirvari og nú er allt á fullu að reyna að fá vegabréfsáritun til Kína og skipuleggja ferðir. Við erum að vonast til þess að hún geti ferðast með Ásdísi frá Zürich þar sem Ásdís býr,“ segir Gunnar Páll Jóakimsson, þjálfari Anítu. „Ef hún kemst með Ásdísi þá fær hún nógu marga daga úti því fyrstu dagarnir fara bara í það að jafna sig, bæði á löngu ferðalagi og tímamismuninum. Við tökum aldrei mjög erfiðar æfingar þarna úti en við tökum enga alvöru æfingu fyrr en á þriðja, fjórða degi,“ segir Gunnar Páll. Komist Aníta út með Ásdísi líða sex dagar frá því að hún kemur til Peking þar til keppni í undanrásum 800 metra hlaupsins fer fram 26. ágúst næstkomandi
Frjálsar íþróttir Mest lesið Fáránleg hegðun á Hlíðarenda: Plastglas í höfuð og miðfingur á loft Fótbolti Allt liðið gekk út á völl í Súperman búningum Fótbolti Bein útsending: Dagur eitt á heimsleikunum í CrossFit 2025 Sport Alfreð og fleiri jálkar með óvænt félagaskipti yfir í Augnablik Íslenski boltinn Er Liverpool að styrkja rangan enda vallarins? Enski boltinn Netverslun Liverpool hrundi vegna álags Enski boltinn Lýsir því hvernig Dahlmeier dó Sport Nýju leikmenn Liverpool komnir með númer Enski boltinn Gaf tannlækninum teinanna sína Fótbolti Liverpool tilbúið að hætta eltingaleiknum við Isak Enski boltinn Fleiri fréttir ÍBV fær liðsstyrk úr Laugardal Reynsluboltinn Coady til liðs við Hollywood-lið Wrexham Sigur í fyrsta leik hjá Jóhannesi Kristni Liverpool tilbúið að hætta eltingaleiknum við Isak Segir að þeim besta í heimi sé skítsama Má ekki æfa fyrr en hann léttir sig Álftanes bætir Bandaríkjamanni við hópinn Verstappen slekkur á öllum sögusögnunum Jóhannes ræddi ekki við Val: „Ef ég ætlaði að fara frá KR var það alltaf bara út“ Guðjón Valur orðaður við Kiel Bein útsending: Dagur eitt á heimsleikunum í CrossFit 2025 „Númer eitt, tvö og þrjú að knúsa þau sem mest“ Spilar með bestu frisbígolfspilurum heims Einvígið á Nesinu safnar í ár fyrir minningarsjóð Bryndísar Klöru Dönsk þrenna á Akureyri, dramatík í Víkinni og óheppni á Hlíðarenda Newcastle hafnar tilboði Liverpool Niko markahæstur og Gylfi stoðsendingahæstur í Sambandsdeildinni Jón Þór Evrópumeistari á nýju Íslandsmeti Fáránleg hegðun á Hlíðarenda: Plastglas í höfuð og miðfingur á loft Kristján hættur sem þjálfari Vals en Matthías verður áfram Sagðir vilja borga helminginn fyrir Isak í ár og hinn helminginn ári síðar Netverslun Liverpool hrundi vegna álags Gaf tannlækninum teinanna sína Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Missti ömmu sína á sama degi og hún vann EM Lýsir því hvernig Dahlmeier dó Er Liverpool að styrkja rangan enda vallarins? Paquetá hreinsaður af ásökunum um veðmálasvindl Nýju leikmenn Liverpool komnir með númer Sjá meira