Sjáðu Ögmund fagna með stuðningsmönnum Hammarby

Ögmundur Kristinsson var hetja Hammarby þegar hann tryggði sínu liði sæti í undanúrslitum sænsku bikarkeppninnar eftir sigur á erkifjendunum í AIK í gærkvöldi.

Vítaspyrnukeppni þurfti til að knýja fram úrslit og kom það í hlut Ögmundar að taka spyrnuna sem tryggði Hammarby sigurinn í leiknum. Hann varði einnig eina spyrnu AIK í vítaspyrnukeppninni.

Sjá einnig: Ögmundur skaut Hammarby í undanúrslit

Arnór Smárason skoraði fallegt mark í leiknum og skoraði einnig í vítaspyrnukeppninni fyrir Hammarby.

Hér fyrir neðan má sjá Ögmund fagna með háværum stuðningsmönnum Hammarby og fara svo í viðtal strax á eftir.