Bitcoin ekki hærra í átján mánuði

Gengi rafmyntarinnar Bitcoin fór yfir 460 dollara í dag, jafnvirði 57.500 íslenskra króna, og hefur ekki verið hærri í átján mánuði. Bitcoin hefur verið á fleygiferð upp á við á síðustu dögum.

Bitcoin fór á markað í byrjun árs 2009. Eftir erfiðleika á árinu 2014 þegar gengi þess féll um 57 prósent fór Bitcoin að blómstra á ný á síðasta ári. Bitcoin var þá árið 2015 nefnt besta mynt ársins og styrktist um tæplega fjörutíu prósent samanborið við gengi dollara. 

Þrátt fyrir hækkun á gengi telja sumir fjárfestar að Bitcoin sé metið allt of lágt og tala um að gengi myntarinnar ætti að vera nær 650 dollurum, eða 81 þúsund krónum.