Framsóknarflokkurinn ræður nýjan framkvæmdastjóra

Einar Gunnar Einarsson hefur verið ráðinn sem framkvæmdastjóri Framsóknarflokksins. Staðan hefur verið laus eftir að Hrólfur Ölvisson ákvað að stíga til hliðar í lok apríl.

Einar Gunnar er 46 ára að aldri og hefur starfað á skrifstofu Framsóknarflokksins frá árinu 2002, síðast sem skrifstofustjóri.

Hrólfur Ölvisson, forveri Einars Gunnars í starfi, vék úr starfi framkvæmdastjóra í lok apríl eftir umfjöllun um tengsl hans við aflandsfélög. Sagðist Hrólfur stíga til hliðar til að „koma í veg fyrir að rýrð verði kastað á Framsóknarflokkinn.“