Endurkomustrákarnir okkar Óskar Ófeigur Jónsson skrifar 8. október 2016 08:00 Sigurmarkið ótrúlega gegn Finnlandi sem menn munu aldrei verða sammála um hvort hafi átt að standa eða ekki. vísir/getty Endurkomur íslenska fótboltalandsliðsins undanfarin ár hafa átt mikinn þátt í ævintýri strákanna okkar, ævintýri sem virðist engan enda ætla að taka. Nýjasti kaflinn var skrifaður í Laugardalnum í fyrrakvöld. Allt stefndi í það þetta væri einn af þessum „stöngin út“ dögum. Víti Gylfa Þórs Sigurðssonar skall í slánni og hann átti einnig frábært langskot í stöngina. Pressan var mikil en þegar klukkan var að detta í 90 mínútur var vonin farin að veikjast hjá stuðningsmönnum íslenska liðsins. Strákarnir hættu hins vegar aldrei og tókst að tryggja sér þrjú stig með tveimur mörkum í lokin. Seinna markið hefur líklega þegar tryggt sér titilinn umdeildasta mark íslenska landsliðsins en það breytti ekki því að sigur náðist í hús þrátt fyrir að útlitið væri ekki bjart rétt fyrir leikslok. Þetta var sjöunda endurkoma strákanna okkar á síðustu árum og Fréttablaðið ætlar að skoða þær aðeins betur. Það eru liðin rúm þrjú ár frá því að Gylfi Þór Sigurðsson gerði út um Slóvena úti í Slóveníu með því að skora tvö mörk í seinni hálfleiknum. Nokkrum mánuðum seinna náðu strákarnir stigi úr vonlausri stöðu í Sviss og unnu svo endurkomusigur á Albönum aðeins fjórum dögum síðar. Það hefur heldur enginn gleymt viðbrögðum landsliðsins við að fá á sig mark í toppslag á móti Tékkum í undankeppni EM eða þá hvernig íslenska liðið brást við því að lenda undir í upphafi leiks á móti Englendingum í sextán liða úrslitum Evrópumótsins í Frakklandi. Það má einnig nefna það að íslenska liðið náði í jafntefli út úr leik á móti Portúgölum á EM þrátt fyrir að lenda undir á móti verðandi Evrópumeisturum í fyrsta leik karlalandsliðsins á stórmóti. Portúgalar höfðu allt til alls til að keyra yfir nýliðina en enn á ný sýndu strákarnir okkar úr hverju þeir eru gerðir. Dramatíkin hefur þá aldrei verið eins mikil og í Laugardalnum á fimmtudagskvöldið enda endalok leiksins þess eðlis að það verður eflaust talað um sigurmarkið aftur og aftur um ókomin ár.Kraftaverkið í Bern.vísir/valli22. mars 2013Ljubljana í Slóveníu2-1 sigur á Slóveníu Slóvenar komust í 1-0 á 34. mínútu og þannig var staðan þar til að tíu mínútur voru liðnar af seinni hálfleik. Gylfi Þór Sigurðsson jafnaði þá með stórkostlegu skoti úr aukaspyrnu af 25 metra færi en hann var ekki hættur. Gylfi skoraði sigurmarkið tólf mínútum fyrir leikslok eftir undirbúning varamannsins Eiðs Smára Guðjohnsen.6. september 2013Bern í Sviss4-4 jafntefli við Sviss Ísland komst í 1-0 með marki Jóhanns Bergs Guðmundssonar eftir aðeins þriggja mínútna leik en Svisslendingar svöruðu með fjórum mörkum og voru 4-1 yfir þegar aðeins 36 mínútur voru eftir. Kolbeinn Sigþórsson minnkaði muninn strax í 4-2 og Jóhann Berg skoraði síðan tvö mörk en með því kórónaði hann bæði þrennu sína og tryggði íslenska liðinu stig.10. september 2013Laugardalsvöllur2-1 sigur á Albaníu Íslenska landsliðið lenti 1-0 undir eftir níu mínútna leik en Birkir Bjarnason jafnaði metin aðeins fimm mínútum síðar. Kolbeinn Sigþórsson tryggði íslenska liðinu síðan sigur með laglegri hælspyrnu í upphafi seinni hálfleiks. Bakvörðurinn Birkir Már Sævarsson lagði upp bæði mörk íslenska liðsins í leiknum.Kolbeinn skorar sigurmarkið gegn Tékkum.vísir/ernir12. júní 2015Laugardalsvöllur2-1 sigur á Tékklandi Tékkar komust yfir á 55. mínútu en í stað þess að leggja árar í bát þá svöruðu íslensku strákarnir með frábærum kafla. Fyrst jafnaði fyrirliðinn Aron Einar Gunnarsson metin með laglegum skalla eftir sendingu Ara Freys Skúlasonar og svo skoraði Kolbeinn Sigþórsson sigurmarkið. Kolbeinn stal þá boltanum af varnarmönnum Tékka og lék á markvörðinn Petr Cech áður en hann skoraði.14. júní 2016Saint-Étienne1-1 jafntefli við Portúgal Nani kom Portúgölum í 1-0 á 31. mínútu og Cristiano Ronaldo fékk nóg af færum til að bæta við mörkum. Birkir Bjarnason jafnaði metin í upphafi seinni hálfleiks eftir frábæra sendingu frá Jóhanni Berg Guðmundssyni og markvörðurinn Hannes Þór Halldórsson sá síðan um að Portúgölum tókst ekki að bæta við mörkum þrátt fyrir mikla pressu.Aron Einar fagnar eftir sigurinn á Englandi.vísir/vilhelm27. júní 2016Nice í Frakklandi2-1 sigur á Englandi Íslenska liðið varð fyrir áfalli eftir aðeins fjórar mínútur þegar Englendingar fengu vítaspyrnu og Wayne Rooney kom þeim í 1-0. Margir óttuðust stórtap eftir þessa martraðarbyrjun en strákarnir stuðuðust ekki heldur svöruðu með tveimur mörkum á næstu fjórtán mínútum. Fyrst skoraði Ragnar Sigurðsson eftir skalla Kára Árnasonar og langt innkast Arons Einars Gunnarssonar. Kolbeinn Sigþórsson skoraði síðan sigurmarkið eftir frábæra sókn þar sem níu leikmenn íslenska liðsins komu við boltann. Ísland var komið í átta liða úrslit.6. október 2016Laugardalsvöllur3-2 sigur á Finnlandi Íslenska liðið lenti tvisvar undir í fyrsta heimaleik sínum í undankeppni HM 2018 og var 2-1 undir þegar leiktíminn var að detta í 90 mínútur. Kári Árnason hafði jafnað metin með skallamarki eftir sendingu Jóhanns Bergs Guðmundssonar í fyrri hálfleik en Alfreð Finnbogason jafnaði í 2-2 á lokamínútunni eftir sendingu Gylfa Þórs Sigurðssonar. Ragnar Sigurðsson skoraði síðan sigurmarkið eftir skallasendingu Kára Árnasonar þegar fimm mínútur voru komnar fram yfir venjulegan leiktíma. Ótrúlegur endir. HM 2018 í Rússlandi Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Sjá meira
Endurkomur íslenska fótboltalandsliðsins undanfarin ár hafa átt mikinn þátt í ævintýri strákanna okkar, ævintýri sem virðist engan enda ætla að taka. Nýjasti kaflinn var skrifaður í Laugardalnum í fyrrakvöld. Allt stefndi í það þetta væri einn af þessum „stöngin út“ dögum. Víti Gylfa Þórs Sigurðssonar skall í slánni og hann átti einnig frábært langskot í stöngina. Pressan var mikil en þegar klukkan var að detta í 90 mínútur var vonin farin að veikjast hjá stuðningsmönnum íslenska liðsins. Strákarnir hættu hins vegar aldrei og tókst að tryggja sér þrjú stig með tveimur mörkum í lokin. Seinna markið hefur líklega þegar tryggt sér titilinn umdeildasta mark íslenska landsliðsins en það breytti ekki því að sigur náðist í hús þrátt fyrir að útlitið væri ekki bjart rétt fyrir leikslok. Þetta var sjöunda endurkoma strákanna okkar á síðustu árum og Fréttablaðið ætlar að skoða þær aðeins betur. Það eru liðin rúm þrjú ár frá því að Gylfi Þór Sigurðsson gerði út um Slóvena úti í Slóveníu með því að skora tvö mörk í seinni hálfleiknum. Nokkrum mánuðum seinna náðu strákarnir stigi úr vonlausri stöðu í Sviss og unnu svo endurkomusigur á Albönum aðeins fjórum dögum síðar. Það hefur heldur enginn gleymt viðbrögðum landsliðsins við að fá á sig mark í toppslag á móti Tékkum í undankeppni EM eða þá hvernig íslenska liðið brást við því að lenda undir í upphafi leiks á móti Englendingum í sextán liða úrslitum Evrópumótsins í Frakklandi. Það má einnig nefna það að íslenska liðið náði í jafntefli út úr leik á móti Portúgölum á EM þrátt fyrir að lenda undir á móti verðandi Evrópumeisturum í fyrsta leik karlalandsliðsins á stórmóti. Portúgalar höfðu allt til alls til að keyra yfir nýliðina en enn á ný sýndu strákarnir okkar úr hverju þeir eru gerðir. Dramatíkin hefur þá aldrei verið eins mikil og í Laugardalnum á fimmtudagskvöldið enda endalok leiksins þess eðlis að það verður eflaust talað um sigurmarkið aftur og aftur um ókomin ár.Kraftaverkið í Bern.vísir/valli22. mars 2013Ljubljana í Slóveníu2-1 sigur á Slóveníu Slóvenar komust í 1-0 á 34. mínútu og þannig var staðan þar til að tíu mínútur voru liðnar af seinni hálfleik. Gylfi Þór Sigurðsson jafnaði þá með stórkostlegu skoti úr aukaspyrnu af 25 metra færi en hann var ekki hættur. Gylfi skoraði sigurmarkið tólf mínútum fyrir leikslok eftir undirbúning varamannsins Eiðs Smára Guðjohnsen.6. september 2013Bern í Sviss4-4 jafntefli við Sviss Ísland komst í 1-0 með marki Jóhanns Bergs Guðmundssonar eftir aðeins þriggja mínútna leik en Svisslendingar svöruðu með fjórum mörkum og voru 4-1 yfir þegar aðeins 36 mínútur voru eftir. Kolbeinn Sigþórsson minnkaði muninn strax í 4-2 og Jóhann Berg skoraði síðan tvö mörk en með því kórónaði hann bæði þrennu sína og tryggði íslenska liðinu stig.10. september 2013Laugardalsvöllur2-1 sigur á Albaníu Íslenska landsliðið lenti 1-0 undir eftir níu mínútna leik en Birkir Bjarnason jafnaði metin aðeins fimm mínútum síðar. Kolbeinn Sigþórsson tryggði íslenska liðinu síðan sigur með laglegri hælspyrnu í upphafi seinni hálfleiks. Bakvörðurinn Birkir Már Sævarsson lagði upp bæði mörk íslenska liðsins í leiknum.Kolbeinn skorar sigurmarkið gegn Tékkum.vísir/ernir12. júní 2015Laugardalsvöllur2-1 sigur á Tékklandi Tékkar komust yfir á 55. mínútu en í stað þess að leggja árar í bát þá svöruðu íslensku strákarnir með frábærum kafla. Fyrst jafnaði fyrirliðinn Aron Einar Gunnarsson metin með laglegum skalla eftir sendingu Ara Freys Skúlasonar og svo skoraði Kolbeinn Sigþórsson sigurmarkið. Kolbeinn stal þá boltanum af varnarmönnum Tékka og lék á markvörðinn Petr Cech áður en hann skoraði.14. júní 2016Saint-Étienne1-1 jafntefli við Portúgal Nani kom Portúgölum í 1-0 á 31. mínútu og Cristiano Ronaldo fékk nóg af færum til að bæta við mörkum. Birkir Bjarnason jafnaði metin í upphafi seinni hálfleiks eftir frábæra sendingu frá Jóhanni Berg Guðmundssyni og markvörðurinn Hannes Þór Halldórsson sá síðan um að Portúgölum tókst ekki að bæta við mörkum þrátt fyrir mikla pressu.Aron Einar fagnar eftir sigurinn á Englandi.vísir/vilhelm27. júní 2016Nice í Frakklandi2-1 sigur á Englandi Íslenska liðið varð fyrir áfalli eftir aðeins fjórar mínútur þegar Englendingar fengu vítaspyrnu og Wayne Rooney kom þeim í 1-0. Margir óttuðust stórtap eftir þessa martraðarbyrjun en strákarnir stuðuðust ekki heldur svöruðu með tveimur mörkum á næstu fjórtán mínútum. Fyrst skoraði Ragnar Sigurðsson eftir skalla Kára Árnasonar og langt innkast Arons Einars Gunnarssonar. Kolbeinn Sigþórsson skoraði síðan sigurmarkið eftir frábæra sókn þar sem níu leikmenn íslenska liðsins komu við boltann. Ísland var komið í átta liða úrslit.6. október 2016Laugardalsvöllur3-2 sigur á Finnlandi Íslenska liðið lenti tvisvar undir í fyrsta heimaleik sínum í undankeppni HM 2018 og var 2-1 undir þegar leiktíminn var að detta í 90 mínútur. Kári Árnason hafði jafnað metin með skallamarki eftir sendingu Jóhanns Bergs Guðmundssonar í fyrri hálfleik en Alfreð Finnbogason jafnaði í 2-2 á lokamínútunni eftir sendingu Gylfa Þórs Sigurðssonar. Ragnar Sigurðsson skoraði síðan sigurmarkið eftir skallasendingu Kára Árnasonar þegar fimm mínútur voru komnar fram yfir venjulegan leiktíma. Ótrúlegur endir.
HM 2018 í Rússlandi Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Sjá meira