Formaður Sjálfstæðisflokksins segir galla hvað meirihluti með Viðreisn og Bjartri framtíð yrði knappur Heimir Már Pétursson skrifar 2. nóvember 2016 19:00 Formaður Sjálfstæðisflokksins segir að ríkisstjórn Sjálfstæðisflokks, Viðreisnar og Bjartrar framtíðar hefði heldur lítinn meirihluta að hans mati. Hann ætlar að ræða við forystufólk allra flokka á Alþingi um mögulega stjórnarmyndun eftir að forseti Íslands fól honum umboð til stjórnarmyndunar í dag. Forsetinn væntir skýrslu frá formanninum um eða upp úr helgi um gang viðræðna. Eftir að hafa fundað með forystufólki flokkanna sjö sem fengu fulltrúa kjörna á Alþingi á mánudag kallaði forsetinn formann Sjálfstæðisflokksins á fund sinn í dag til að veita honum stjórnarmyndunarumboðið. Bjarni vildi ekki leggja mat á hvort fljótt gengi að mynda ríkisstjórn áður en hann fór á fund Guðna Th. Jóhannessonar forseta. „Ég skal ekki segja. Það er dálítið flókið með þessi úrslit. En ég tel að aðstæður í landinu, verkefnin fram undan og þessi niðurstaða kosninganna eigi að gera það að verkum að það takist að mynda sterka ríkisstjórn. Þá er ég að vísa til þess að á margan hátt er stöðugleiki og nokkuð bjart fram undan. Þetta er í fyrsta skipti í níu ár sem formanni Sjálfstæðisflokksins er falið að mynda ríkisstjórn eða frá því Geir H. Haarde myndaði hina afdrifaríku stjórn með Samfylkingunni árið 2007, sem margir kalla hrunstjórnina. Bjarni sagðist ætla að eiga fundi með forystumönnum allra flokka á þingi eftir að forsetinn hefði veitt honum umboðið. Fundur forseta og formanns Sjálfstæðisflokksins stóð í tæpar tuttugu mínútur. Að þeim fundi loknum las forsetinn yfirlýsingu þar sem hann færði rök fyrir ákvörðun sinni. En hann sagðist í gær hafa rætt við formenn allra þeirra flokka sem nefndir hefðu verið við hann til að fá umboð til stjórnarmyndunar; þau Bjarna Benediktsson, Katrínu Jakobsdóttur og Benedikt Jóhannesson. Í dag hefði hann veitt Bjarna umboð til að mynda stjórn sem hefði meirihluta á bak við sig á Alþingi.Forseti væntir skýrslu um eða upp úr helgi „Það er ljóst að í stöðunni eins og hún er núna er þessi kostur vænlegastur til árangurs. Það er greinilegt eftir viðræður síðast liðna daga að þetta er vænlegasta leiðin til til myndunar ríkisstjórnar, eins og sakir standa,“ sagði forsetinn m.a. í yfirlýsingu sinni. Umboðinu væri hins vegar ekki deilt eins og verðlaunagrip og með því að veita umboðið væri hann ekki að skipa í embætti forsætisráðherra. Bjarni muni gefa honum skýrslu um helgina eða í byrjun næstu viku um hvernig viðræðurnar gengju.Kom ekki til greina að Benedikt Jóhannesson formaður Viðreisnar sem vann góðan sigur í kosningunum fengi umboðið? „Hann æskti þess og þá þurfti ég að taka afstöðu til þess. En eins og ég sagði tel ég þetta vænlegra til árangurs og þykist vita að formaður Viðreisnar sjái það. Svo eru líka sanngirnissjónarmið þegar horft er til stærðar þessara flokka á þingi. Annar hefur tuttugu og einn þingmann hinn hefur sjö,“ sagði forsetinn. Bjarni Benediktsson sagðist ætla að nýta tímann vel og hann gæfi sér ekki neina fyrir fram gefna niðurstöðu í viðræðum við hina flokkanna. „Eftir því sem dagarnir líða eru menn aðeins að verða afslappaðri finnst mér. Mér hefur þótt vera ákveðin þversögn í því að menn segi annars vegar að það séu skilaboð í þessum kosningum um að menn vilji breiðara samstarfen síðan eru menn uppteknir við að útiloka hvern annan,“ sagði Bjarni á Bessastöðum. Ekki er hægt að mynda meirihlutastjórn tveggja flokka en augljósasti kosturinn á þriggja flokka stjórn í stöðunni nú er stjórn Sjálfstæðisflokks, Viðreisnar og Bjartrar framtíðar.Þætti þér það vera of knappur meirihluti eða gæti stjórn starfað með slíkan meirihluta? Það er mjög knappur meirihluti. Ég verð að segja það alveg eins og það er.“Þá eru eiginlega bara fjögurra flokka stjórnir eftir í stöðunni? „Já, nú ætla ég ekki að láta leiða mig út í að tala um alla möguleika. En þetta er augljóslega einn möguleiki og gallinn við þennan möguleika er hversu knappur meirihlutinn er,“ sagði Bjarni. Eftir fundinn með forsetanum hélt Bjarni á fund með þingflokki Sjálfstæðisflokksins og klukkan fimm síðdegis fundaði hann með Sigurði Inga Jóhannssyni formanni Framsóknarflokksins í Ráðherrabústaðnum um mögulegt stjórnarsamstarf. Hann mun síðan funda með formönnum annarra flokka á morgun. Alþingi Kosningar 2016 Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent POTS-samtök fá lögfræðing í málið: „Margir eru rúmliggjandi í dag“ Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Fleiri fréttir Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Sjá meira
Formaður Sjálfstæðisflokksins segir að ríkisstjórn Sjálfstæðisflokks, Viðreisnar og Bjartrar framtíðar hefði heldur lítinn meirihluta að hans mati. Hann ætlar að ræða við forystufólk allra flokka á Alþingi um mögulega stjórnarmyndun eftir að forseti Íslands fól honum umboð til stjórnarmyndunar í dag. Forsetinn væntir skýrslu frá formanninum um eða upp úr helgi um gang viðræðna. Eftir að hafa fundað með forystufólki flokkanna sjö sem fengu fulltrúa kjörna á Alþingi á mánudag kallaði forsetinn formann Sjálfstæðisflokksins á fund sinn í dag til að veita honum stjórnarmyndunarumboðið. Bjarni vildi ekki leggja mat á hvort fljótt gengi að mynda ríkisstjórn áður en hann fór á fund Guðna Th. Jóhannessonar forseta. „Ég skal ekki segja. Það er dálítið flókið með þessi úrslit. En ég tel að aðstæður í landinu, verkefnin fram undan og þessi niðurstaða kosninganna eigi að gera það að verkum að það takist að mynda sterka ríkisstjórn. Þá er ég að vísa til þess að á margan hátt er stöðugleiki og nokkuð bjart fram undan. Þetta er í fyrsta skipti í níu ár sem formanni Sjálfstæðisflokksins er falið að mynda ríkisstjórn eða frá því Geir H. Haarde myndaði hina afdrifaríku stjórn með Samfylkingunni árið 2007, sem margir kalla hrunstjórnina. Bjarni sagðist ætla að eiga fundi með forystumönnum allra flokka á þingi eftir að forsetinn hefði veitt honum umboðið. Fundur forseta og formanns Sjálfstæðisflokksins stóð í tæpar tuttugu mínútur. Að þeim fundi loknum las forsetinn yfirlýsingu þar sem hann færði rök fyrir ákvörðun sinni. En hann sagðist í gær hafa rætt við formenn allra þeirra flokka sem nefndir hefðu verið við hann til að fá umboð til stjórnarmyndunar; þau Bjarna Benediktsson, Katrínu Jakobsdóttur og Benedikt Jóhannesson. Í dag hefði hann veitt Bjarna umboð til að mynda stjórn sem hefði meirihluta á bak við sig á Alþingi.Forseti væntir skýrslu um eða upp úr helgi „Það er ljóst að í stöðunni eins og hún er núna er þessi kostur vænlegastur til árangurs. Það er greinilegt eftir viðræður síðast liðna daga að þetta er vænlegasta leiðin til til myndunar ríkisstjórnar, eins og sakir standa,“ sagði forsetinn m.a. í yfirlýsingu sinni. Umboðinu væri hins vegar ekki deilt eins og verðlaunagrip og með því að veita umboðið væri hann ekki að skipa í embætti forsætisráðherra. Bjarni muni gefa honum skýrslu um helgina eða í byrjun næstu viku um hvernig viðræðurnar gengju.Kom ekki til greina að Benedikt Jóhannesson formaður Viðreisnar sem vann góðan sigur í kosningunum fengi umboðið? „Hann æskti þess og þá þurfti ég að taka afstöðu til þess. En eins og ég sagði tel ég þetta vænlegra til árangurs og þykist vita að formaður Viðreisnar sjái það. Svo eru líka sanngirnissjónarmið þegar horft er til stærðar þessara flokka á þingi. Annar hefur tuttugu og einn þingmann hinn hefur sjö,“ sagði forsetinn. Bjarni Benediktsson sagðist ætla að nýta tímann vel og hann gæfi sér ekki neina fyrir fram gefna niðurstöðu í viðræðum við hina flokkanna. „Eftir því sem dagarnir líða eru menn aðeins að verða afslappaðri finnst mér. Mér hefur þótt vera ákveðin þversögn í því að menn segi annars vegar að það séu skilaboð í þessum kosningum um að menn vilji breiðara samstarfen síðan eru menn uppteknir við að útiloka hvern annan,“ sagði Bjarni á Bessastöðum. Ekki er hægt að mynda meirihlutastjórn tveggja flokka en augljósasti kosturinn á þriggja flokka stjórn í stöðunni nú er stjórn Sjálfstæðisflokks, Viðreisnar og Bjartrar framtíðar.Þætti þér það vera of knappur meirihluti eða gæti stjórn starfað með slíkan meirihluta? Það er mjög knappur meirihluti. Ég verð að segja það alveg eins og það er.“Þá eru eiginlega bara fjögurra flokka stjórnir eftir í stöðunni? „Já, nú ætla ég ekki að láta leiða mig út í að tala um alla möguleika. En þetta er augljóslega einn möguleiki og gallinn við þennan möguleika er hversu knappur meirihlutinn er,“ sagði Bjarni. Eftir fundinn með forsetanum hélt Bjarni á fund með þingflokki Sjálfstæðisflokksins og klukkan fimm síðdegis fundaði hann með Sigurði Inga Jóhannssyni formanni Framsóknarflokksins í Ráðherrabústaðnum um mögulegt stjórnarsamstarf. Hann mun síðan funda með formönnum annarra flokka á morgun.
Alþingi Kosningar 2016 Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent POTS-samtök fá lögfræðing í málið: „Margir eru rúmliggjandi í dag“ Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent Stímir óhrædd í gin ísraelska sjóhersins Innlent Heimila gjaldtöku vegna fjarheilbrigðisþjónustu og útkalls án flutnings Innlent Fleiri fréttir Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu