Geir Sveinsson, þjálfari íslenska karlalandsliðsins í handbolta, hefur valið 23 leikmenn til undirbúnings fyrir HM í Frakklandi.
Geir skar upphaflega 28 manna hópinn niður um fimm leikmenn. Þeir sem detta út eru markverðirnir Hreiðar Levý Guðmundsson og Grétar Ari Guðjónsson og útileikmennirnir Elvar Örn Jónsson, Sigurbergur Sveinsson og Óðinn Þór Ríkharðsson.
Ísland hefur leik 12. janúar þegar það mætir Spánverjum í Metz. Áður mun liðið spila þrjá vináttulandsleiki í Danmörku.
Hluti hópsins hóf æfingar í gær, miðvikudag, en allt liðið kemur saman til æfinga mánudaginn 2. janúar næstkomandi.
Æfingahópurinn er þannig skipaður:
Markmenn:
Aron Rafn Eðvarðsson, SG BBM Bietigheim
Björgvin Páll Gústavsson, Die Bergische Handball Club
Sveinbjörn Pétursson, Stjarnan
Línumenn:
Arnar Freyr Arnarsson, IFK Kristianstad
Bjarki Már Gunnarsson, EHV Aue
Kári Kristján Kristjánsson, ÍBV
Vignir Svavarsson, Team Tvis Holstebro
Vinstri hornamenn:
Bjarki Már Elísson, Füchse Berlin
Guðjón Valur Sigurðsson, Rhein-Neckar Löwen
Stefán Rafn Sigurmannsson, Aalborg Håndbold
Hægri hornamenn:
Arnór Þór Gunnarsson, Die Bergische Handball Club
Guðmundur Árni Ólafsson, Haukar
Vinstri skytttur:
Aron Pálmarsson, MKB Veszprém KC
Guðmundur Hómar Helgason, Cesson Rennes
Ólafur Andrés Guðmundsson, IFK Kristianstad
Tandri Konráðsson, Skjern Håndbold
Leikstjórnendur:
Arnór Atlason, Aalborg Håndbold
Gunnar Steinn Jónsson, IFK Kristianstad
Janus Daði Smárason, Haukar
Hægri skyttur:
Ásgeir Örn Hallgrímsson, Nimes
Geir Guðmundsson, Cesson Rennes
Ómar Ingi Magnússon, Aarhus Håndbold
Rúnar Kárason, TSV Hannover/Burgdorf
