Tékkneska tenniskonan Petra Kvitova ætti að geta stundað íþrótt sína á nýjan leik eftir fólskulega hnífaárás innbrotsþjófs en ekki fyrr en eftir hálft ár.
Þetta kom fram í yfirlýsingu umboðsmanns hennar en í innbrotsþjófur réðst inn á heimili hennar í Tékklandi í upphafi vikunnar.
Sjá einnig: Petra Kvitova: Heppin að vera á lífi
Kvitova, sem er örvhent, fékk skurði á vinstri höndina og þurfti að fara í aðgerð til að laga skemmdir á sinum og taugum.
Radek Kebrle, læknirinn sem framkvæmdi aðgerðina, segir að hún hafi gengið afar vel en að það þurfi að líða minnst þrír mánuðir áður en hún geti tekið í tennisspaða á nýjan leik.
Sjá einnig: Ein besta tenniskona heims varð fyrir hnífaárás
„Það er of snemmt að segja til um hvenær hún geti tekið aftur þátt í keppni en Petra er reiðubúin að gera allt sem hún getur til að keppa í fremstu röð á nýjan leik,“ var haft eftir Kebrle á vef BBC. „Petra er ánægð með hvernig aðgerðin gekk og líður vel.“
Áverkana hlaut Kvitova þegar hún tókst á við innbrotsþjófinn sem þóttist vera viðgerðarmaður til að komast inn í íbúðina.
Verður frá í hálft ár vegna hnífaárásarinnar
Tengdar fréttir
Petra Kvitova: Heppin að vera á lífi
Tékkneska tenniskonan Petra Kvitova verður frá í þrjá mánuði eftir að hafa orðið fyrir árás á heimili sínu í gær.
Ein besta tenniskona heims varð fyrir hnífaárás
Tékkneska tenniskonan Petra Kvitova lenti í óhuggulegum aðstæðum í dag þegar ráðist var á hana með hníf á heimili hennar.
