Fótbolti

Fiorentina með óvæntan sigur á toppliði Juventus

Stefán Árni Pálsson skrifar
Leikmenn heimamanna fagna hér marki.
Leikmenn heimamanna fagna hér marki. vísir/getty
Fiorentina vann frábæran sigur á toppliði Juventus, 2-1, í ítölsku seríu A-deildinni í knattspyrnu í kvöld.

Nikola Kalinic kom heimamönnum í Fiorentina yfir nokkrum mínútum fyrir lok fyrri hálfleiks. Staðan var 1-0 fyrir heimamönnum í hálfleik. 

Þegar tíu mínútur voru liðnar af þeim síðari var staðan orðin 2-0 en þá skoraði Milan Badelj.

Markavélin Gonzalo Higuain minnkaði muninn aðeins þremur mínútum síðar en fleiri mörk vöru ekki skoruð.

Juventus er enn á toppi deildarinnar með 45 stig en Fiorentina í því áttunda með 30 stig.

Ítalski boltinn

Mest lesið


Fleiri fréttir

Sjá meira


×

Mest lesið