Google kynnir staðreyndavakt til leiks vegna falskra frétta

Bandaríska tæknifyrirtækið Google mun á næstu dögum og vikum kynna sérstaka staðreyndavakt til leiks sem ætlað er að berjast gegn útbreiðslu falskra frétta.

Mikil umræða hefur átt sér stað á undanförnum mánuðum um hlut Facebook og Google í drefingu falskra frétta og áhrif þeirra á forsetakosningarnar í Bandaríkjunum.

Til þess að sporna við útbreiðslu slíkra frétta mun á næstunni birtast sérstaktur „Fact Check“ flipi við tilteknar staðhæfingar sem birtast við leit á Google.

Þar mun vera hægt að komast að því hvort að viðurkenndar vefsíður, sem sérhæfa sig í að kanna sannleiksgildi staðhæfinga, hafi tekið viðkomandi staðhæfingu til athugunar og þá einnig hvert sannleiksgildi hennar sé.

Þá munu tilteknar fréttir, þegar leitað er með hjálp Google News, fá merkimiða um hvort að þær hafi verið kannaðar með tilliti til staðreynda eða ekki.