Elías Már Ómarsson lék síðustu 13 mínúturnar þegar IFK Göteborg gerði 1-1 jafntefli við nýliða Athletic Eskilstuna í sænsku úrvalsdeildinni í dag.
Elías Már lagði upp mark í 0-2 sigri Göteborg á Sirius í síðustu umferð en byrjaði á bekknum í dag. Keflvíkingurinn var settur inn á þegar 13 mínútur voru til leiksloka en tókst ekki að setja mark sitt á leikinn.
Göteborg er í 4. sæti deildarinnar með fimm stig eftir þrjár umferðir.
Guðmundur Þórarinsson og Jón Guðni Fjóluson komu báðir inn á sem varamenn þegar Norrköping tapaði 0-2 fyrir nýliðum Sirius á heimavelli.
Alfons Sampsted sat allan tímann á bekknum hjá Norrköping sem hefur tapað tveimur af fyrstu þremur leikjum sínum í deildinni.
Aðeins eitt stig niðurstaðan hjá Íslendingaliðunum gegn nýliðunum
Tengdar fréttir
Arnór með mark og stoðsendingu í fyrsta sigri Hammarby
Arnór Smárason skoraði jöfnunarmarkið og lagði upp sigurmarkið í 1-2 sigri Hammarby á AIK í 3. umferð sænsku úrvalsdeildarinnar í dag.
