Jose Mourinho, knattspyrnustjóri Manchester United, hefur þurft að glíma við mikil meiðsli hjá sínum leikmönnum að undanförnu en það var ánægjuleg sjón sem blasti við stuðningsmönnum United á æfingu í dag.
Meiddu mennirnir Eric Bailly, Paul Pogba, Chris Smalling og Phil Jones tóku allir þátt í æfingunni en sem dæmi hafa þeir Chris Smalling og Phil Jones misst af níu leikjum, annar tábrotnaði en hinn meiddist á hné.
Paul Pogba, dýrasti knattspyrnumaður heims, hefur misst af síðustu tveimur leikjum vegna vöðvatognunar og Bailly fór meiddur af velli á móti Swansea um helgina.
Luke Shaw var hinsvegar hvergi sjáanlegur enda munu meiðsli hans sennilega halda honum frá fótboltavelli í nokkra mánuði.
Manchester United tryggir sér sæti í Meistaradeildinni með sigri í Evrópudeildinni og það er því mikið undir fyrir enska liðið í þessari keppni. Leikurinn á morgun fer fram á heimavelli Celta Vigo en viku síðar mætast liðin á Old Trafford.
Chris Smalling testing his knee out pic.twitter.com/F4ZBylBuik
— Simon Stone (@sistoney67) May 3, 2017
So Bailly, Pogba, Smalling and Jones all training @ManUtd this morning. pic.twitter.com/gCT659aChK
— Simon Stone (@sistoney67) May 3, 2017
