Búist er við talsverðri rigningu suðvestan til á landinu fyrripart dagsins í dag, en slyddu til fjalla. Þetta kemur fram í hugleiðingum veðurfræðings á vef Veðurstofunnar. Þar segir að búast megi við vindhviðum allt að 35 metrum á sekúndu hlémegin fjalla suðvestan til á landinu.
Veðurhorfur á landinu
Suðaustan 13-23 m/s og rigning sunnan- og vestanlands, hvassast suðvestan til. Hægari vindur og þurrt að mestu á norðaustanverðu landinu en súld eða þokumóða á köflum við austurströndina. Svipað veður á morgun en lægir heldur seinnipartinn og stöku skúrir norðaustan til. Hiti 6 til 16 stig að deginum, hlýjast norðanlands.
Veðurhorfur á landinu næstu daga
Á miðvikudag:
Suðaustan 5-13 m/s á Suður- og Vesturlandi, og léttir heldur til og lægir er líður á daginn. Hiti 10 til 16 stig. Hæg suðlæg átt á Norður- og Austurlandi, léttskýjað og hiti 14 til 20 stig.
Á fimmtudag, föstudag og laugardag:
Hæg breytileg átt, víða léttskýjað og hiti 13 til 20 stig. Sums staðar þokuloft við sjávarsíðuna og mun svalara.
Á sunnudag:
Hæg breytileg átt, skýjað að mestu sunnan- og vestanlands en annars léttskýjað. Hiti 7 til 17 stig.
Á mánudag:
Vestan 5-10, skýjað vestan til en annars léttskýjað. Hiti 8 til 18, hlýjast austanlands.
Varað við stormi suðvestan til
