José Mourinho, knattspyrnustjóri Manchester United, fagnar því að vera kominn í úrslitaleik Evrópudeildarinnar en það tókst liðinu í kvöld með því að gera 1-1 jafntefli við Celta Vigo frá Spáni.
United vann fyrri leikinn, 1-0, á Spáni og komst áfram samanlagt, 2-1. Celta gat hæglega stolið sigrinum í kvöld og komist áfram en United slapp með skrekkinn.
„Við vorum betra liðið í fyrri leiknum en við náum aldrei að drepa leiki. Við nýtum aldrei færin okkar þegar við fáum tækifæri til þess. Leikurinn í kvöld var opinn og öll pressan á okkar liði,“ sagði Mourinho við BT Sport eftir leikkinn.
„Celta-menn voru ekki undir neinni pressu og gáfu okkur leik. Við vorum í vandræðum allt til enda og leikurinn var opinn fram á síðustu sekúndu. Strákarnir gáfu allt í þetta og ég er ánægður fyrir þeirra hönd.“
„Eftir fjórtán leiki erum við komnir í úrslitaleikinn. Ef við vinnum Evrópudeildina verð ég meira en ánægður. Það yrði æðislegt,“ sagði José Mourinho.
Mourinho: Við getum aldrei skorað mörk og klárað leiki
Tengdar fréttir
Ajax slapp með skrekkinn í Lyon í frábærum leik | Sjáðu mörkin
Ungt lið Ajax mætir Manchester United í úrslitum Evrópudeildarinnar þrátt fyrir tap í Frakklandi.
Mourinho: Mikilvægasti leikur í sögu Man. Utd
Það vantar ekki dramatíkina í Jose Mourinho, stjóra Man. Utd, fyrir leik liðsins gegn Celta Vigo í Evrópudeildinni í kvöld.
Sjáðu geggjuð tilþrif Paul Pogba á móti Celta | Myndband
Paul Pogba minnti á hvers vegna hann er dýrasti leikmaður heims.
Undanúrslita-Fellaini skaut United til Stokkhólms | Sjáðu mörkin
Manchester United er komið í úrslitaleik Evrópudeildarinnar þar sem liðið mætir Ajax.
Herrera: Við erum komnir í úrslit og það er það sem telur
Miðjumaður Manchester United er feginn að hafa sloppið með skrekkinn á móti Celta Vigo í kvöld.
