Sjáðu geggjuð tilþrif Paul Pogba á móti Celta | Myndband

Paul Pogba, leikmaður Manchester United, bauð upp á svakaleg tilþrif í leik liðsins á móti Celta Vigo frá Spáni í undanúrslitum Evrópudeildarinnar í kvöld.

Ekki var langt liðið af leiknum þegar franski miðjumaðurinn vann boltann inn á miðjunni og hélt honum svo á lofti framhjá Nemanja Radoja í liði Celta sem vissi varla hvað var að gerast.

Þessi tilþrif Pogba bjuggu til frábæra sókn fyrir United en Pogba sendi boltann á Marcus Rashford sem kom ekki í alveg nógu gott færi. Frábær tilþrif engu að síður.

Fylgst er með leiknum í beinni hér en tilþrifin geggjuðu má sjá í spilaranum hér að ofan.